A Asociación Rebulir convoca o certame IdentificARTE baixo o soporte das axudas de Iniciativa Xove da Xunta de Galicia. Logo do éxito de anteriores edicións cunha alta participación, os creativos e creativas da Comarca de Terras de Celanova están de novo chamados/as a facer as súas propostas. Velaquí deixamos as BASES da edición 2025 PARTICIPANTES CATEGORIA ABSOLUTA (maiores de 12 anos): Poden concorrer todas as persoas maiores de idade que o desexen, sexa cal for a súa nacionalidade. No caso de menores de idade (entre 12 e 18 anos, deberán aportar unha autorización das persoas titoras) CATEGORIA INFANTIL (menores de 12 anos): Poden concorrer todos os/as nenos/as que o desexen, sexa cal for a súa nacionalidade. Deberán aportar unha autorización das persoas titoras. A participación neste concurso implica a total aceptación destas bases. TIPOLOXÍAS DE TRABALLOS 1- Fotografía. Poderán presentarse instantáneas de espazos naturais, lugares emblemáticos, patrimonio material...
No Curso 2025-2026 Rebulir estará de 20 aniversario. Con tal motivo prepararase un programa especial de actividades ao longo de todo o ano. Asemade, e como ven sendo habitual, impartiranse na Escola de Baile e Música tradicional as disciplinas de: Baile tradicional, Gaita, Percusión, Canto e Pandeireta e Acordeón. As aulas serán os Venres e sábados. Os horarios, profesorado e detalles serán comunicados nun acto de PRESENTACIÓN que terá lugar o venres día 26 de setembro de 2025 ás 20:00 h . no Salón de Actos do C.C. do Picouto (Ramirás) As prazas nas diferentes actividades son limitadas, por tanto, se queres facer RESERVA da túa praza debes cumplimentar previamente este formulario. Debes saber que teñen prioridade as persoas matriculadas en cursos anteriores e os/as familiares de socios/as de Rebulir. FAI A RESERVA DE PRAZA