Bases do Concurso de Cartel
A Verbena do Rella 2026
A Asociación Cultural Rebulir convoca o Concurso de Cartel
da Verbena do Rella 2026, co obxectivo de seleccionar a imaxe oficial que
representará a próxima edición deste evento cultural e festivo.
1. Obxecto
O obxectivo deste concurso é a selección do cartel oficial
da Verbena do Rella 2026, que será empregado para a promoción e difusión do
evento en diferentes soportes impresos e dixitais.
Poderán participar todas aquelas persoas creadoras, artistas
ou deseñadoras que o desexen, tanto de maneira individual como colectiva.
Cada participante poderá presentar un máximo de dúas obras,
sempre que sexan orixinais, inéditas e non presentadas previamente a outros
concursos.
No caso de participantes menores de idade, deberán seguir as intrucións que aparecen na parte de datos (punto 5).
3. Características das obras
As propostas deberán cumprir os seguintes requisitos:
O cartel deberá incluír unha referencia visual (implícita ou
explícita) a Manuel “O Rella”, gaiteiro, figura que inspira e dá nome ao
evento. Esta representación poderá ser realista ou interpretada artisticamente,
pero deberá permitir identificar ou evocar ao personaxe.
O deseño deberá incluír obrigatoriamente o seguinte texto:
A Verbena do Rella 2026
4 de Xullo de 2026
Vilavidal (Concello de Ramirás)
Deberá reservarse un espazo na parte inferior do cartel para a inclusión de logotipos institucionais e entidades colaboradoras.
Tamén deberá preverse un espazo para a inclusión posterior
dos grupos ou artistas participantes.
Así mesmo, deberá deixarse un espazo para incorporar un
código QR que remita á programación completa do evento.
A técnica será libre (ilustración, fotografía, deseño
gráfico, técnicas mixtas, etc.).
O cartel deberá presentarse en formato vertical.
Recoméndase que o deseño estea pensado para unha reprodución
aproximada en tamaño A3, cunha resolución axeitada para impresión.
As obras deberán presentarse exclusivamente en formato
dixital.
O envío realizarase ao seguinte correo electrónico:
rebulir@hotmail.com
No correo electrónico deberán indicarse os seguintes datos
da persoa participante:
- Ø Nome e apelidos
- Ø Data de nacemento
- Ø Enderezo
- Ø Correo electrónico
- Ø Teléfono de contacto
As obras deberán enviarse en formato JPG ou PDF, cunha resolución axeitada para impresión.
Os prazos de presentación das obras serán os seguintes:
- Ø Data límite de entrega: 25 de marzo de 2026 ás 23:59 h.
- Ø Datas de votación en redes sociais: Do 26 de marzo ao 2 de abril de 2026
- Ø Decisión do xurado: 4 de abril de 2025
6. Exposición e votación popular
Todas as obras presentadas ao concurso serán publicadas nas
redes sociais da Asociación Cultural Rebulir, co fin de promover a
participación do público.
A cidadanía poderá votar polas súas propostas favoritas a
través das interaccións nas publicacións das redes sociais.
As tres propostas que obteñan maior número de votos
(gústame) pasarán á fase final do concurso.
Ademais, as obras presentadas serán expostas nun local
público durante as datas previas á celebración da Verbena do Rella, co
obxectivo de difundir o traballo das persoas participantes e fomentar a
participación cultural da veciñanza.
Entre as tres propostas máis votadas nas redes sociais, un
xurado designado pola directiva da Asociación Cultural Rebulir escollerá a obra
gañadora.
Na súa valoración teranse en conta aspectos como:
- Ø A creatividade e orixinalidade da proposta
- Ø A calidade artística e técnica
- Ø A capacidade do cartel para representar o espírito da verbena do rella
- Ø A integración da figura de Manuel “O Rella” na proposta visual
A decisión do xurado será inapelable.
8. Premio
Establécese un único premio para o cartel gañador
consistente en:
- Ø Tablet de última xeración (ou vale por valor equivalente)
- Ø Lote de libros do Consello da Cultura Galega (CCG)
- Ø Diploma acreditativo
A entrega do premio realizarase durante o transcurso da
Verbena do Rella 2026.
A organización resérvase o dereito de declarar o premio
deserto se o considera oportuno.
9. Dereitos de uso
A obra gañadora pasará a ser imaxe oficial da Verbena do
Rella 2026, reservándose a Asociación Cultural Rebulir o dereito de reproducila
e difundila en calquera soporte relacionado coa promoción do evento,
mencionando sempre a autoría.
A participación neste concurso implica a aceptación íntegra
das presentes bases.
Comentarios
Publicar un comentario