REBULIR Cultura Tradicional

Avecíñase unha fin de semana completiña... O Venres estaremos no Venrespirar convidados pol@s amig@s de Gomes Mouro e Algaravía. A cita será na cafetería A Efémera de Ourense a partir das 22.30 h. Nós poremos o Baile e a Música, xunto con Os Jalos d´Antioquia e os propios Gomes Mouro. E o Sábado imos de Troula ata Boborás, no II Serán que organizan Os Serandeiros no Colexio da localidade ourensá. Levaremos Instrumentos e moitas ganas de bailar. E veña! De festa en festa, e seguimos porque nos presta!

Os amigos da AOFT Gomes Mouro xa colgaron no seu espazo as fotos do pasado Venrespirar na Efémera (Ourense), onde os rebuldeiros participamos tocando e mesmo levando algo o baile, podedes velas no seguinte enlace: http://aoftou.spaces.live.com/

O Vindeiro Venres día 3, Rebulir colaborará cos Venrespirar, tanto no que se refire ao baile como a música. A cita será na cafeteria A Efémera de Ourense, por baixo do Auditorio Municipal, a partir das 22.30 da noite. O noso agradecemento a Algaravia e Gomes Mouro, por contar con nós. Esperemos axudar a montarlle unha boa festiña, poremos todo da nosa parte! . Se querede máis información e mesmo ver algunhas fotos doutros venrespirar podedes visitar o espazo de Gomes Mouro no seguinte enlace: http://aoftou.spaces.live.com/