LIÑAS XERAIS
-
O alumnado manterá a mascarilla posta en todo
momento. Tanto nos accesos e saídas, como cando permaneza no interior dos
locais asistindo as actividades.
-
As actividades desenvolveranse preferiblemente
nos espazos asignados nos seus horarios, e velarase por unha boa ventilación
dos mesmos (cumprindo as recomendacións do Goberno de España sobre o uso de
sistemas de climatización e ventilación para previr a expansión do COVID-19[1]).
-
Na medida do posible, manteranse as portas
abertas con cuñas ou outro tipo de sistemas que eviten o contacto das persoas
con pomos e manillas.
-
O número de persoas por actividade non
superará o máximo establecido pola Xunta de Galicia para xuntanzas deste tipo.
No caso de espazos pechados limitarase a ocupación aos metros cadrados
establecidos pola normativa vixente[2].
-
O cumprimento das medidas será de
responsabilidade individual, aínda que as entidades facilitarán os medios para
que sexa posible. Se algunha persoa ten síntomas do COVID 19 (Tose, febre,
perda de gusto…) non deberá asistir baixo ningún concepto as actividades e
informará debidamente as autoridades sanitarias.
-
A entidade velará polo bo cumprimento da
normativa vixente, reservándose o dereito de admisión para a participación nas
actividades.
-
No caso de préstamo de material por parte da
asociación (vestiario, instrumentos, útiles…) deberá seguirse o protocolo de
desinfección establecido.
LOCAIS E ESPAZOS DE ENSAIO
-
A Asociación deberá poñer a disposición do
alumnado dispensadores de xel hidroalcohólico, e outros produtos destinados a
desinfección. No caso da utilización de locais públicos seguirase as
indicacións da administración responsable.
-
O mobiliario indispensable para cada
actividade (cadeiras, mesas, atriles…) será desinfectado antes e despois do seu
uso por cada alumno/a. No caso dos/as menores de idade será a asociación a
encargada da súa desinfección.
-
Realizaranse tarefas de ventilación e
desinfección entre clase e clase con un mínimo de 5 minutos. Nese tempo non
poderá entrar ninguén ata que se cumpra o tempo de limpeza.
-
A utilización do aseo (no caso que se permita
o seu uso), será dunha persoa, salvo naqueles supostos de persoas que poidan
precisar asistencia.
-
Non se poderá comer dentro das aulas.
ORGANIZACIÓN
DAS ACTIVIDADES
-
Os/as mestres/as deberán manter a distancia de
seguridade interpersoal nas instalacións e utilizar máscara en todo momento.
-
Deberán delimitarse de forma clara a distancia
de seguridade interpersoal entre alumnas/os
con marcas fixas.
-
Non poderá entrar na sala, ou acceder ao
espazo delimitado para os ensaios, ningunha persoa allea á actividade que se
estea realizando nese momento e que non teña autorización previa.
-
Establécense as seguintes recomendacións
xenéricas para as actividades de Baile
Tradicional
o
Requírese o uso de máscara en todo momento[3].
É imprescindible facer bo uso da mesma, colocándoa correctamente, e contar cun
bo estado da máscara.
o
Como medida xeral evitarase o contacto físico,
polo que se tentará facer bailes que non requiran contacto.
o
No uso de elementos físicos (arcos,
castañolas, paus…), que non sexan de uso persoal e intransferible, deberanse
desinfectar correctamente, e ademais acollerse as medidas descritas para bailes
con contacto.
o
Recoméndase facer máis rotacións/descansos
para poder respirar unha distancia axeitada do resto de compañeiros/as. No caso
de ser preciso tomar aire sen mascarilla farase coa distancia oportuna, e
preferiblemente no exterior dos locais.
o
As explicacións, reunións ou xuntanzas faranse
en círculo aberto, usando mascarilla e mantendo as oportunas distancias.
-
Establécense as seguintes recomendacións
xenéricas para as actividades de canto
con acompañamento de percusión (pandeireta, pandeiro, tixola, lata,
pandeira…):
o
Os ensaios faranse extremando as distancias
oportunas, preferiblemente en circulo aberto ou estrutura semellante.
o
Requírese o uso de máscara en todo momento[4].
É imprescindible facer bo uso da mesma, colocándoa correctamente, e contar cun
bo estado da máscara.
o
Os instrumentos serán de uso individual, e non
poderán ser compartidos. Sinalarase o nome da persoa que o utiliza, ou algún
indicativo que sinale a propiedade de cada un deles.
o
As cadeiras, atriles, mesas… ou outros
elementos que se usen deberán ser desinfectados por parte do alumnado antes e
despois do seu uso.
-
Establécense as seguintes recomendacións
xenéricas para as actividades de música
tradicional:
o
Será obrigatorio o uso de mascarilla. Asemade,
recoméndase o uso de mascarilla naqueles músicos que non fagan uso de
instrumentos de vento soprado.
o
Os instrumentos serán de uso individual, e non
poderán ser compartidos. Sinalarase o nome da persoa que o utiliza, ou algún
indicativo que sinale a propiedade de cada un deles.
o
As cadeiras, atriles, mesas… ou outros
elementos que se usen deberán ser desinfectados por parte do alumnado antes e
despois do seu uso.
o
Recoméndase que cada alumna/o afine ou prepare
o seu instrumento baixo as indicacións do seu mestre/a.
ALUMNADO e ASISTENCIA A ACTIVIDADES
-
O alumnado deberá sempre manter a distancia de
seguridade interpersoal entre os demais compañeiros/as e cumprir a normativa
establecida para desinfección e protección.
-
Cumpriranse as seguintes indicacións para
entradas e saídas:
o
Uso obrigatorio de mascarilla, desinfección de
mans e toma de temperatura.
o
Desinfección de calzado.
o
Manterase o distanciamento de seguridade sen
conxestionar os puntos de acceso.
o
Atenderase en todo momento as indicacións do
profesorado.
-
Utilizarase a máscara durante o tempo de
circulación entre espazos comúns nas instalacións. E non se permanecerá nos
lugares de paso.
-
Cada alumna/o deberá tocar o seu instrumento
ou o que estea habilitado desde a asociación. Dito elemento terá unha marca
identificativa que o diferencie dos demais.
-
As botellas de auga deberán ser individuais e
terán que estar identificadas correctamente cunha etiqueta ou distintivo. Non
se permitirá comer no interior das instalacións.
-
As toallas ou roupa de muda deberán ser de uso
individual e estás gardadas en bolsas sen ter contacto con ningunha outra
superficie.
ACTUACIÓNS e EVENTOS
-
Manterase a distancia de 4 metros co público, sen
contacto coas persoas que asistan.
-
A organización dos eventos deberá prever o cumprimento
das medidas hixiénicas e sanitarias, e dispoñer do material necesario para o
desenvolvemento seguro das actuacións.
-
As agrupacións, grupos, asociacións ou
colectivos adaptarán o seu número ao espazo indicado por parte da organización
para a realización do evento/actuación.
-
Non se poderán compartir bebidas ou comidas,
tendo que dispoñer de vasos/botellas individuais.
-
En camerinos ou espazos destinados a cambio de
vestiario deberanse respectar estritamente as medidas de distanciamento, algo
que deberá ser previsto por parte da organización do evento.
-
As entradas e saídas ao espazo habilitado para
a actuación será de maneira ordenada, mantendo as distancias de seguridade e con uso de mascarilla. Tamén se seguirán
estas indicacións para os movementos en camerinos e espazos comúns.
-
No momento da actuación deberase utilizar a
mascarilla sempre que non se podan extremar as medidas de distanciamento
interpersoal. En todo caso, deberase atender as medidas específicas para cada
evento.
COMUNICACIÓN E SEGUEMENTO DE SINTOMATOLOXÍA
COVID-19
-
Contase
cun listado de asistencia de alumnado as diferentes actividades para manter un
control de contactos e seguimento. Este listado estará actualizado e dispoñible
para as autoridades sanitarias se así o requirisen.
-
As
entidades deberán contar cos datos básicos de contacto das persoas que asisten
as súas actividades os cales deberán ser facilitados as autoridades sanitarias
no caso dun seguimento de contaxio.
-
En
caso de detección dun sospeitoso por COVID-19 no entorno da actividade,
deberanse seguir as pautas determinadas polas autoridades sanitarias. A persoa
afectada retirarase do grupo e conducirase a outro espazo, facilitándolle unha
máscara cirúrxica. Este espazo deberá ser elixido previamente, e debería contar
con ventilación adecuada, e unha papeleira de pedal con bolsa, onde tirar a
máscara e panos que se poidan desbotar. Contactarase co centro de saúde
correspondente á persoa ou co teléfono de referencia (900 400 116), e seguirán
as súas instrucións. Se se percibira gravidade chamarase ao 061. Haberá que
realizar unha boa ventilación, limpeza e desinfección deste espazo e do resto
das estancias onde estivera a persoa, acorde á situación do risco. Será preciso
tamén illar o contedor/papeleira onde se depositaran os panos ou outros
produtos usados. Esa bolsa de lixo deberá ser extraída e colocada nunha segunda
bolsa de lixo, con peche, para o seu depósito no lugar onde se determine.
DOCUMENTOS UTILIZADOS:
1.
REAL
DECRETO-LEY 21/2020, de 9 de junio, de medidas urgentes de prevención,
contención y coordinación para hacer frente a la crisis sanitaria ocasionada
por el COVID-19. Recuperado de: https://www.boe.es/eli/es/rdl/2020/06/09/21
2.
RESOLUCIÓN
do 12 de xuño de 2020, da Secretaría Xeral Técnica da Consellería de Sanidade,
pola que se dá publicidade do Acordo do Consello da Xunta de Galicia, do 12 de
xuño de 2020, sobre medidas de prevención necesarias para facer fronte á crise
sanitaria ocasionada polo COVID-19, unha vez superada a fase III do Plan para a
transición cara a unha nova normalidade. Recuperado de: https://www.xunta.gal/dog/Publicados/2020/20200613/AnuncioC3K1-120620-1_gl.html
3.
RESOLUCIÓN
do 25 de xuño de 2020, da Secretaría Xeral Técnica da Consellería de Sanidade,
pola que se dá publicidade do Acordo do Consello da Xunta de Galicia do 25 de
xuño de 2020, polo que se introducen determinadas modificacións nas medidas de
prevención previstas no Acordo do 12 de xuño de 2020, sobre medidas de
prevención necesarias para facer fronte á crise sanitaria ocasionada pola
COVID-19, unha vez superada a fase III do Plan para a transición cara a unha nova
normalidade. Recuperado de: https://www.xunta.gal/dog/Publicados/2020/20200627/AnuncioC3K1-250620-1_gl.html
4.
Recomendacións
da Consellería de Sanidade da Xunta de Galicia. Recuperado de: https://coronavirus.sergas.gal/Contidos/Documents/383/recomendacions_nova_normalidade.pdf
5.
Recomendacións da Dirección Xeral de Xuventude, Participación e
Voluntariado da Consellería de Política Social para das actividades de educación non formal, ocio
educativo e tempo libre adaptadas á situación de COVID-19. Recuperado de:
6.
Protocolo FISICOVID-DXTGALEGO polo que se establecen as medidas para
facer fronte á crise sanitaria ocasionada pola covid-19 no ámbito do deporte
federado de Galicia da Secretaría Xeral para o Deporte da Xunta de Galicia.
Recuperado de: https://deporte.xunta.gal/sites/w_deport/files/documentacion/convocatorias/protocolo_fisicovid.pdf
7.
Plan de
reactivación dos sectores cultural e turístico fronte aos efectos derivados da
COVID-19 da Consellería de Cultura e Turismo da Xunta de Galicia. Recuperado
de: https://ficheiros-web.xunta.gal/cultura/publicacions/plan-reactivacion-cultural-turistica.pdf
8.
Recomendacións do Goberno de España sobre o uso de sistemas de
climatización e ventilación para previr a expansión do COVID-19. Recuperado de:
https://www.miteco.gob.es/es/ministerio/medidas-covid19/sistemas-climatizacion-ventilacion/recomendacionesdecontrolymantenimiento1_tcm30-509985.pdf
[1] Recomendacións do
Goberno de España sobre o uso de sistemas de climatización e ventilación para
previr a expansión do COVID-19
[2] Resolución do 25 de
xuño de 2020, da Secretaría Xeral Técnica da Consellería de Sanidadede: https://www.xunta.gal/dog/Publicados/2020/20200627/AnuncioC3K1-250620-1_gl.html
[3] Resolución do 25 de
xuño de 2020, da Secretaría Xeral Técnica da Consellería de Sanidadede: https://www.xunta.gal/dog/Publicados/2020/20200627/AnuncioC3K1-250620-1_gl.html
[4] Resolución do 25 de
xuño de 2020, da Secretaría Xeral Técnica da Consellería de Sanidadede: https://www.xunta.gal/dog/Publicados/2020/20200627/AnuncioC3K1-250620-1_gl.html
Comentarios
Publicar un comentario