25 abr. 2016

Fin de semana completiña- AÑA URBANA E FEIRA EN CASTRELO

A pasada fin de semana tivemos unha completiña axenda. O Sábado 23 estivemos a participar na Aña Urbana de Pontevedra. Ata aló foi o noso grupo oficial de pandereteiras e algúns bailadores. 

E o Domingo o noso grupo de música tradicional estivo animando a Feira de Castrelo de Miño.

12 abr. 2016

Participamos no XII CONCURSO de Baile tradicional TEQUEXETÉLDERE

O grupo A e oficial da AC Rebulir participará o vindeiro Domingo día 17 de Abril no prestixioso concurso de baile tradicional Tequexetéldere. Dito concurso ten lugar no Pazo de Exposicións e Congresos da Estrada (Pontevedra). 

Concursaremos nas categorias C (13 a 16 anos) e D (maiores de 16 anos), que se celebran en horario de mañá e de tarde respectivamente. Ben seguro será unha boa experiencia onde poder coñecer a outras persoas e onde poder aprender doutros grupos. Esa é para nós a esencia deste tipo de eventos.