29 mar. 2016

Participamos nos "Cantos de Chigre" en Noreña (Asturias)

Esta fin de semana o noso grupo de música tradicional participará nos cantos de chigre no marco do certame "Prohibido cantar desentonau" que organizan os amigos da AFM Villa y Condau de Noreña (Asturias). Do que se trata neste certame é de recuperar os cantos de taberna tal e como antigamente se facían nesta zona asturiana. 

A expedición ramirense sairá o Sábado día 2 cara Noreña, día no que se celebrará o encontro. En dito certame participarán 8 rondas, sendo Rebulir a única de fora de Asturias. Tamén estarán presentes no mesmo os artistas Héctor Braga e Anabel Santiago, coñecidos pola súa ampla traxectoria no eido da música tradicional asturiana. O Domingo día 3, teremos un encontro entre os grupos de Noreña e nós, para seguir unindo lazos como ata o de agora se ten feito, e posteriormente tomaremos camiño de volta a terras ourensás. 

15 mar. 2016

Imos ao VENRESPIRAR en OURENSE

Este venres 18 de Marzo o noso grupo oficial de Pandereteiras estarán no Venrespirar de Ourense que desta vez terá lugar no Campus Universitario de Ourense. Desde Rebulir agradecer a Algaravia e AOFT Gomes Mouro que un ano máis conten connosco. 

Quedaron de vir, han vir
quedaron de vir, han vir
elas deron a palabra
e elas hana de cumprir.

Saíde a bailar mociños,
saíde a bailar agora,
saíde a bailar mociños,
que a foliada vai boa.
Xirazga, Beariz