30 sept. 2013

HORARIOS CURSO 2013/2014


RECORDADE que o prazo para formalizar a vosa INSCRIPCIÓN remata o 31 de Outubro.

17 sept. 2013

COMEZAMOS O CURSO 2013-2014

Un Setembro máis a Asociación Rebulir en colaboración co Concello de Ramirás presentará as actividades do curso. O Sábado día 28 de Setembro as 18:00 h., convocamos a todos aqueles pais,nais, familiares e interesad@s a unha xuntanza onde se presentarán os horarios, profesorado, grupos, actividades... e todas as novidades para o ano 2013/2014. 

Tras este acto de apertura organizamos  unha asamblea aberta onde a directiva actual da asociación presentará o balance económico e as actividades previstas; ademáis @s soci@s poderán facer todas aquelas preguntas, suxerencias, críticas ou propostas que consideren oportunas para o mellor funcionamento desta entidade.

Esperamos con isto seguir crecendo a nivel artístico, como grupo de baile e música tradicional; pero tamén como asociación de persoas que traballan con obxectivos comúns e onde a finalidade última é facer da cultura tradicional unha actividade de lecer de calidade.

Convidamosvos a participar deste acto de apertura, e damosvos a benvida ao novo curso. 

1 sept. 2013

SEGUINTE PARADA... PORTUGAL

Pecharemos as actuacións do verán no país veciño, Portugal. Ata alí nos iremos convidados polos amigos do Etnografico de Vila Praia de Áncora, quen organizarán un Festival Ibérico na localidade de Caminha o vindeiro 14 de Setembro. Unha vez máis os nosos grupos de cantareiras, músicos e grupo de baile desplazarémonos para ofrecer o mellor do noso folclore.