REBULIR

VI NOITE DE FIADEIRO. Convocatoria

2012-01-21T20:00:00.002+01:00

Estimadas/os amigos/as,

A VI edición da Noite de Fiadeiro está en marcha. O derradeiro Sábado de Abril, este ano día 28, voltaremos a xuntarnos na praza de San Andrés de Vilavidal (Ramirás). Desta vez tentaremos incluír máis novidades, para que a festa non se estanque. Deste xeito, durante toda a xornada teremos animación, teatro, artesanía, gastronomía, xogos, obradoiros... etc; pero o acto central chega pola noitiña cando músicos, bailadores, cantador@s... xúntanse no torreiro para disfrutar dunha noite de música tradicional como se facía antano.

Se vos presta vir a participar da festa como grupo/colectivo de música tradicional mándádenos os seguintes datos:

* Nome do grupo

* Tipo de Grupo (cantareiras, gaiteiros, murga...)

* Número de participantes

* Lugar de procedencia

* Persoa de contacto

* Teléfono de contacto

* Enderezo electrónico

* Páxina web

Nesta edición tentaremos darlle impulso a feira de productos artesáns, neste caso a ficha sería a seguinte:

* Nome do posto:

* Nome da persoa/s responsable/s:

* Teléfono/s de contacto:

* Lugar/enderezo de procedencia:

* Tipo de producto/s para vender:

* Tamaño aproximado do posto:

(a organización resérvase o dereito de seleción dos postos, conforme a filosofía da festa)

Estes datos podedelos enviar ao enderezo electrónico rebulir@hotmail.com ou ben por correo a:

Asociación Cultural Rebulir

Praza de San Andrés s/n. Vilavidal

32810 - Ramirás (Ourense)

DATA LÍMITE: 31 de Marzo de 2012

En canto o enviedes, respostaremosvos coas condicións. Para calquera dúbida o noso teléfono é 639 908 005.

APUNTADE A DATA DO 28 DE ABRIL NAS VOSAS AXENDAS FESTEIRAS !!! QUE CHEGA A VI EDICIÓN DA NOITE DE FIADEIRO !!!

ACTUACIÓN NA CAÑIZA (Pontevedra)

2012-01-16T21:08:00.000+01:00

O Vindeiro Sábado 21 de Xaneiro actuaremos a eso das 17:30 h. en A Cañiza (Pontevedra) no marco da I Xornada Gastronómica da Caza. Compartiremos escenario con grupos como Os Furafollas de A Cañiza ou Castro-Floxo de Ourense.

Ata alí nos desprazaremos o Grupo de Medianos da Escola, O Grupo de Adultos, Cantareiras e Grupo de Música Tradicional, para facer unha actuación de arredor de 20 min.

CAMBIO ÚLTIMA HORA

2012-01-13T16:19:00.001+01:00

Compañeir@s, no vindeiro mes a profesora de Percusión Pilar Gonçalves non poderá impartir as clases. Así, que desde este Sábado asumirá as clases de xeito temporal SANDRO SOTELO, recomendado pola propia Pilar. Sandro pertence ao grupo Lembranzas da Ría, e ten impartido clases de percusión tradicional en diferentes escolas.

Sandro, Benvido a Rebulir!!

RETOMAMOS AS CLASES

2012-01-07T16:29:00.000+01:00

Tras esté paréntese de Nadal, o vindeiro Sábado día 13 de Xaneiro retomamos as clases de Gaita, Percusión, Canto e Baile Tradicional nos horarios habituais. Vémonos !

CANTOS DE REIS E VISITA REAL

2011-12-30T12:29:00.001+01:00

Un ano máis a Asociación Rebulir colaboraremos na organización da Visita dos Reises Magos ao Concello de Ramirás o vindeiro Xoves día 5 de Xaneiro. Tamén seguiremos coa tradición que recuperamos uns anos atrás dos Cantos de Reis, de pobo en pobo e de casa en casa, pedindo o aguinaldo que cadaquén poda dar. O programa será o seguinte:

16:00 h.
- Visita das SS.MM. ao Centro de Maiores de O Mosteiro.
- O noso grupo de Cantareiras "Senior" acompañará para cantar os Reis en O Mosteiro.
- Gaiteiros e Cantareiras percorrén mentres o pobo de O Picouto

17:00 h.
- Recepción das nenas e nenos do Concello no Centro Sociocultural de O Picouto, por algún membro do cortexo Real que explicará o protocolo a seguir.

17:30 h.
- Chegada das SS.MM. Os Reis Magos en coche oficial, e coa súa comitiva de paxes e gardas.
- Recepción por parte das Autoridades, e o Grupo de Música Tradicional Rebulir.

18:30 h.
- Merenda e Música para despedir as SS.MM.
- Cantos de Reis por outros pobos do Concello, onde participarán Gaiteiros, cantareiras e demáis acompañantes.

SORTEO DE NADAL

2011-12-22T11:42:00.000+01:00

O NÚMERO PREMIADO DO SORTEO DE NADAL DE REBULIR É O

- 268 -

Podedes recoller o ordenador portatil Netbook no Concello de Ramirás, nos vindeiros días. Ou ben avisai a asociación.

VI FESTIVAL REBULIR, Baile e Música Tradicional

2011-12-05T14:07:00.000+01:00

O VI Festival Rebulir, de Baile e Música Tradicional está a chegar. Este ano, como ben sabedes, a nosa asociación habilitou un páxina web propia onde poderedes consultar o programa, os grupos, a localización e demáis datos; aquí vos deixamos o enlace para que a visitedes e vaiades poñéndovos ao día:

www.festivalrebulir.com

NOVA PROFESORA

2011-11-25T13:24:00.000+01:00

Este ano a comezo de curso tivemos a grata sorpresa de que un grupiño de xente queria aprender a bailar, e ante esta petición decidimos crear un grupo propio de iniciación ao Baile para Adultos.

Desde esta Sábado o grupo terá como profesora a Cristina Calle, membro do Grupo Castro-Floxo e tamén do grupo de adultos de Rebulir. Estas clases desenvolveranse todos os Sábados de 16:30 h. a 17:15 h.

Estas clases servirán nun comezo para familiarizarse co Baile Tradicional, e logo terán tamén como obxectivo o acceso ao grupo de adultos de Rebulir.

RIFAS XA A VENDA !!

2011-11-16T20:09:00.000+01:00

Xa temos as rifas para este Nadal a venda, como este ano é especial para nós por ser o noso quinto aniversario, tamén quixemos ter un bó agasallo para sortear. Así que, ao posuidor da rifa coincidente cos tres derradeiros números do Sorteo de Loteria de Nadal (22 de Decembro) levará un ORDENADOR PORTATIL NETBOOK semellante ao da fotografía.

Podedes adquirir estas rifas falando con algún dos nosos membros, na nosa asociación ou ben nos bares do Centro Sociocultural de O Picouto ou no bar San Andrés de Vilavidal. Por tan só dous euros estaredes colaborando co financiamento de actividades e o funcionamento regular de Rebulir.

VI FESTIVAL REBULIR, Baile e Música Tradicional

2011-11-02T13:45:00.001+01:00

Fai un par de semanas abrimos unha páxina web onde está dispoñible toda a información do VI FESTIVAL REBULIR, de Baile e Música Tradicional.. Esta irase completando segundo se vaia achegando a data do 17 de Decembro de 2011. Ata o momento convidámosvos a visitala.

www.festivalrebulir.com

AVISO: CAMBIO MESTRA PERCUSIÓN

2011-10-14T00:41:00.001+02:00

Compañeir@s, por motivos persoais a nova profesora de percusión Raquel Faro terá que deixar de dar clase na nosa asociación. Sentimos moito que non nos poda acompañar no que resta de curso, xa que causou moi boa impresión entre o alumnado. E desde aquí mandámoslle unha fonda aperta de parte de tod@s @s rebuldeir@s !

No seu lugar virá Pilar Gonçalves, a quen lle temos que agradecer que aceptase a nosa proposta tan rápido. Pilar é mestra de profesión pero é moi coñecida na música tradicional por pertencer ao grupo Os Carunchos, ademais de ser un clásico de todo serán, xuntanza, festa e romaria. Benvida Pilar !

As clases serán no mesmo horario. Sábados de 11:00 h. a 13:00 h.

NOVIDADES CURSO 2011/2012

2011-10-02T20:16:00.001+02:00

Tras presentar o pasado día 1 o Curso 2011/2012, presentamos aqui as novidades para os vindeiros meses:

1ª . Vémonos na obriga de comezar a cobrar pequenas cuotas, posto que, este ano as Axudas outorgadas para o pago de mestres de Baile e Música Tradicional están suspendidas no marco dos recortes da Deputación de Ourense. Deste xeito, tentamos que cada alumno pagase o mínimo para poder manter ao profesorado e o nivel de calidade acadado pola nosa Escola. É de xustiza recordar que o Concello de Ramirás seguirá asumindo boa parte deste salario dos mestres.

15 Euros por trimestre (Posibilidade de pagar todo o ano xunto = 45 Euros)

2ª. Cambio nos mestres de Gaita e Percusión Tradicional, pasando a asumir este posto.

- D. Celso Iglesias (Gaita)

- Dna. Raquel Faro (Percusión Tradicional)

3º. En todas as actividades pasaremos lista de asistencia e tomaremos en conta a puntualidade co fin de aproveitar os tempos de ensaio ao máximo posible.

HORARIOS

PRESENTACIÓN CURSO 2011/2012

2011-09-17T20:48:00.003+02:00

O ACTO DE PRESENTACIÓN DO CURSO 2011/2012 TERÁ LUGAR O SÁBADO 1 DE OUTUBRO AS 18:30 h. NO LOCAL DE REBULIR (Praza de San Andrés, Vilavidal - Concello de Ramirás). Aquí presentaremos os horarios, os mestres, as actividades a desenvolver e demáis novidades deste curso que comeza. Aproveitaremos a ocasión para facer a presentación aos socios e asistentes en xeral da nova xunta directiva.

REBULIR NO XV FESTIVAL BAÍÑA 2011

2011-08-19T21:55:00.000+02:00

O Vindeiro Sábado 3 de Setembro acudiremos a actuar no XV Festival Folclórico Baíña, que organizan os amigos do grupo Airiños da Lagoa de Baiona. Ademais dos anfitrións, tamén pasarán polo esceario os grupos Fitoria de Asturias e Urdaibai de Euskadi.

A cita é na Praza do Concello de Baiona as 22 h. Así que quedades convidad@s a asistir a este evento que a priori tanto promete.

MARCHAMOS A VAL DE SAN LORENZO (LEÓN)

2011-08-01T12:40:00.000+02:00

O Vindeiro Domingo día 7, Rebulir participará no Encontro Nacional de Folclore de Val de San Lorenzo (León), enmarcado dentro da súa tradicional Feira Artesanal. As 18:00 h comezará o Festival ao que estades tod@s convidad@s .

REBULIR NO FESTIVAL "AO COMPAZ DE SAUMEDE"

2011-07-29T12:17:00.000+02:00

Compañeir@s como sorpresa de última hora, unha pequena formación de rebuldeiros tocaremos no Festival "Ao Compaz de Saumede" o vindeiro Domingo día 31 de Xullo as 21:30 h. Tentaremos facer un repertorio animado que convide a xente ao baile.

Témoslle que agradecer aos amigos da Asociación de Saumede que tiveran contado con nós para este tremendo programa que presentan. É un pracer compartir cartaz cos grupos e compañías en programa.

E VOLTAMOS...

2011-07-19T00:43:00.000+02:00

Xa voltamos da nosa breve visita a terras vascas, desde aqui queremos agradecer ao grupo Gaztedi dantzari taldea o seu trato co cal nos fixeron sentir moi cómodos nestas xornadas. Esperamos voltar a atoparnos de novo pronto.

Pero esto non significa descanso en Rebulir, xa que seguimos cos compromisos do Vrao...

- O 30 de Xullo en A Bola.
- A primeira fin de semana de Agosto andaremos por Val de San Lorenzo (León)
- A terceira fin de semana de Agosto por Outomuro (Cartelle) - Por confirmar -
- O 4 de Setembro participaremos do Festival de Baíña (Baiona)

Non vale parar, temos o formiguillo no corpo!

REBULIR EN BILBAO

2011-07-11T00:40:00.000+02:00

A vindeira fin de semana do 15, 16 e 17 de Xullo Rebulir terá o pracer de participar no Encontro de Folclore que organiza o grupo Gaztedi Dantzari Taldea de Bilbao no marco da celebración do seu 60 aniversario como institución cultural.

Durante a fin de semana realizaremos diferentes visitas, sendo o prato forte a actuación que faremos o Sábado pola tarde na Praza Karmelo de Santutxu, onde teremos dous pases con diferente vestiario e variedade de Danzas.

Agradecemos a Gaztedi o seu convite e esperamos deixar alto o pabellón galego.

IV CONCURSO DE FOTOGRAFÍA ANTIGA

2011-07-04T19:49:00.002+02:00

O pasado 1 de Xullo presentamos o IV Concurso de Fotografía Antiga no transcurso do Acto de Peche do Curso da Escola Rebulir. Como obxectivos plantexámonos: recuperar a memoria fotográfica do Concello de Ramirás e a súa Contorna (Comarca Terras de Celanova), fomentar a investigación, recolleita e indagación entre os seus participantes e servir de base para estudar as costumes, oficios, bailes, traxes... que eran tradicionais na zona.

Nas pasadas edicións temos recollidas centos de instantáneas que se teñen mostrado en diferentes exposicións non solo en Ramirás senón en outros certames como pode ser o Outono Fotográfico. Nesta IV convocatoria pretendemos seguir ampliando o arquivo que viñamos confeccionando nos últimos tempos.

Temos unha sección habilitada na parte superior deste blog onde aparece recollida toda a información relevante. E as novidades desta edición.

E O SÁBADO NA II LUMEIRADA DO DEVA

2011-07-01T12:51:00.000+02:00

Un ano máis @s amig@s do Concello de Pontedeva organizan a Lumeirada do Deva, tras o éxito da pasada edición. E de novo voltaron a contar coa presenza da Rebulir para animar a festa, deste xeito a nosa intervención será seguindo o seguinte programa:

19:30 h. - Pasarrúas dos Cabezudos de Ramirás e grupo de Música Tradicional Rebulir

19:45 h. - Intervención do noso grupo de Cantareiras

20:00 h. - Actuación do grupo de Medianos e o grupo de Adultos de Baile Tradicional

20:20 h. - Actuación do grupo de música tradicional Rebulir

21:30 h. - Animación co Grupo de Música Tradicional Rebulir

Xa pola noite estará o tradicional grupo A Roda animando a festa. Desde Rebulir queremos felicitar a organización e convidar visitantes a disfrutar da Lumeirada !

FESTA DE PECHE DO CURSO

2011-06-20T09:00:00.004+02:00

Como vedes pechamos o curso 2010/2011 cunha festa por todo o alto, onde os alumnos das diferentes actividades que en Rebulir se ofertan terán tempo para demostrar o aprendido nestes meses. Logo todos xuntos comeremos e beberemos, pra repoñer forzas de cara a un broche de luxo co concerto de MINI E MERO, fundadores de Fuxan os Ventos e Membros de A Quenlla.

Tras esta festa un nutrido grupo de Rebuldeiros desprazaremonos ata Maceda, para troulaear cos amigos que organizan o seu Serán. Así que como vedes a xornada promete longa.

QUEDADES CONVIDAD@S !!!!

NOVA XUNTA DIRECTIVA

2011-06-11T20:00:00.001+02:00

Tras as eleccións internas celebradas na Xornada de hoxe, Sábado 11 de Xuño de 2011, a lista gañadora e polo tanto que asumirá as competencias directivas da Asociación Cultural Rebulir, resulta a composta polas seguintes persoas:

Dirección: D. Alexandre Sotelino Losada
Subdirección: D. Celso Iglesias Pereira
Secretaría: Dna. Concepción Ferreira Vieiro
Tesoureira: Dna. Susana Durán González
Vogal 1: Dna. Ángela González Amoeiro
Vogal 2: Dna. Lucia Teixeira Ferreira
Vogal 3: Dna. Sandra González Sousa
Vogal 4: D. Alfonso Pateiro Álvarez

Esta nova Xunta asumirá os seus cargos na Sesión Extraordinaria que se celebrará o Sábado 25 de Xuño.

NAS FESTAS DO SAN ANTONIO DE O VISO

2011-06-06T12:27:00.000+02:00

O vindeiro Domingo día 12 de Xuño, desprazaremonos ata o pobo de O Viso (Ramirás), para festexar con eles as tradicionais festas do San Antonio. A actuación será completiña,

As 19.30 h. Os nosos Cabezudos pasearán polas rúas do Pobo acompañados do Grupo de Música Tradicional

As 20:00 h. O grupo Rebulir bailará uns bailes no torreiro da Festa dando paso a unha sesión participativa de baile amenizada polo noso grupo de Cantareiras e o Grupo de Música Tradicional.

Desde aquí queremos felicitar a comisión de festas polo completo programa que presentan, e animar a todo o mundo a asistir a estas festas que nunca decepcionan ao visitante.

I FOLIADA DE LEIRO

2011-05-29T22:46:00.000+02:00

O Vindeiro Sábado 4 de xuño @s amig@s da Asociación Taparraná, organizan o que será a I Foliada de Leiro, presentannos o seguinte programa:

19:30 Xogos Populares

20:30 Curso Iniciación o Baile Tradicional

E a partir das 21:00 comenza a "FESTA".......lume!

Haberá Bolos Preñados de balde para todos os asistentes, chocolata e bizcoito.

Non faltara o bo viño do Ribeiro, licor cafe e outras bebidas espérituosas....

Contaremos con zona de acampada (se alguen se quere quedar)

Achegádevos ata Leiro que a festa promete !!

ELECCIÓNS INTERNAS DE REBULIR

2011-05-24T12:12:00.001+02:00

Tal e como establecen os estatutos da asociación, este curso toca convocar eleccións a Xunta Directiva de Rebulir.

Reunida a actual Xunta en sesión ordinaria no mes de Xaneiro decidiuse establecer a votación para o Sábado 11 de Xullo de 2011, no propio local onde se establecerá unha furna destinada a tal fin.

Nestes dias está aberta a presentación de candidaturas, ata o vindeiro 28 de Maio, segundo os criterios establecidos nos estatutos da asociación e na acta ordinaria da xunta directiva, ambos expostos publicamente no taboleiro da asociación.

X ROMARIA RAIGAME / Homenaxe Castro Floxo

2011-05-09T12:09:00.001+02:00

Un ano máis chega polo 17 de maio a Romaría Raigame, en Vilanova de Infantes (Celanova). O pobo da un salto no tempo para acoller a artesans, postos de comida e bebida, bailadores, cantadores, músicos, Animación de rúa, xogos tradicionais... e un sen fin de actividades lúdicas durante a xornada. Non hai mellor xeito de celebrar o día das nosas letras que como o facían os nosos devanceiros nas antigas Romarías.

Nós, habituais da festa, non nola perderemos e teremos a nosa interveción (programada), as 12:30 e as 13:00 horas na Praza Tralacerca e Plaza Maior da Vila respectivamente. Para logo seguir animando cos nosos instrumentos e canticos varios outras prazas e tabernas durante toda a xornada.

Este ano cumprense X anos desde a primeira cita, e para iso o grupo Castro Floxo sintetizará nun espectáculo a xeito de homenaxe o que é Romaría. Deste xeito, aparecerán no escenario as múltiples esceas que identifican a Romaria: A música, o baile, os artesáns, os xogos, animación de rúa...

A representación vai máis aló do taboleiro como espazo físico, haberá momentos para a mistura co público, incluso a media tarde haberá un pasarrúas pola Vila de Celanova, facendo un chamamento a Festa. Así, tratase de transmitir en todo momento a atmosfera lúdica e participativa que cada 17 de Maio se vive en Vilanova dos Infantes.

- Lugar: Auditorio Ilduara (Celanova)

- Data: Sábado 14 de Maio
- Hora: 20:30 h.
- Entrada: Gratuíta (Ata completar aforo)

Recordemos que Castro Floxo nace no ano 1977 en Ourense, apadriñado polo ilustre etnógrafo Xaquín Lorenzo, Xocas. Desde este momento comenza a súa labor de recuperación e difusión da cultura tradicional galega nas súas múltiples manifestacións facendo especial fincapé na música e baile.

No ano 1984 crease a Escola Provincial de Danza que axudará a dar continuidade a este proxecto ata a actualidade. No ano 2004, créase o Centro de Cultura Popular Xaquín Lorenzo, o cal actualmente integra no seu seo o grupo Castro-Floxo.

Castro Floxo leva percorrido numerosos escearios por todo o mundo, chegando a lugares como: Francia, Estados Unidos, Canadá, México, Brasil, Bolivia, Taiwan, Turquia, Polonia, Rusia, Ukrania, Italia, Portugal, Arxelia, Israel, Grecia, Bulgaria... etc. Ademais de desenvolver innumerables actuacións en territorio galego e español.

Un adianto do que pode dar de sí este espectáculo vai neste vídeo do Alalá adicado ao Grupo Castro-Floxo no seo da Romaría Raigame fai dúas edicións.

http://www.youtube.com/watch?v=wRymZD0yTYE

http://www.youtube.com/watch?v=GOlR42PQHnQ&feature=related

E se queredes todavía máis información aquí tedes as páxinas oficiais, onde se vos explica todo:

http://www.romariaraigame.es/
http://www.ccpxaquinlorenzo.es/

III SERÁN DE BOBORÁS

2011-05-03T18:48:00.000+02:00

O Sábado andaremos por Boborás no III Serán que organizan os nosos amigos Os Serandeiros. A experiencia dinos que se monta unha boa troula, asi que recomendámosvolo a todos os que podades achegarvos que vaiades. A cita é no patio da escola, a partir das 20:00 h haberá un Obradoiro de baile tradicional, o serán infantil, Concurso de Aturuxos... para xa chegada a noitiña ter a intervención de múltiples grupos tradicionais, aderezado con chourizos, viño, chiculate... Noraboa aos organizadores e que haxa moito baile !!

E O VENRES... AO VENRESPIRAR

2011-04-25T23:35:00.000+02:00

O Venres (día previo a nosa V Noite de Fiadeiro) Rebulir porá a música e o baile (dinamiza Alexandre Sotelino) xunto con os Gomes Mouro, no Venrespirar que se desenvolverá na cafetaría A Efémera de Ourense. É un bo xeito de poñerse en forma para o día seguinte.

Así que alí vos esperamos dispostos a botar unhas boas bailas!

V NOITE DE FIADEIRO

2011-04-18T18:33:00.000+02:00

Para esta edición temos habilitado un Blog específico onde se recollen todos os datos da V Noite de Fiadeiro. Así que se queredes ter acceso a toda a información visitade:

www.noitedefiadeiro.com

EXPOSICIÓN. UNHA FIESTRA A NOUTRORA: Fotografías antigas de Ramirás e comarca.

2011-03-31T14:12:00.000+02:00

O vindeiro Sábado 9 de Abril as 12:00 h da mañá, inaugurarase a Exposición: "Unha Fiestra a Noutrora, Fotografias Antigas de Ramirás e Comarca", na sala multiusos do Centro Sociocultural de O Picouto (Ramirás). A mostra estará composta por 60 instantáneas recollidas no III Concurso de Fotografía Antiga, que se organizou desde esta asociación, ademáis a sala estará ambientada con apeiros de labranza antigos e outros elementos de carácter etnográfico.

Durante este acto tamén será presentado o Cartaz e o Programa da V NOITE DE FIADEIRO, que se celebrará o vindeiro 30 de Abril. Ao final do acto, convidarese aos presentes a un viño galego e uns petiscos.

MONOGRÁFICO. POSTURA CORPORAL NO BAILE TRADICIONAL

2011-03-17T18:00:00.001+01:00

O Vindeiro Sábado 26 de Marzo teremos no noso local un obradoiro monográfico adicado ao Baile Tradicional e a Postura Corporal. NON é de Iniciación, polo que se precisa unha certa bagaxe bailadora.

Será impartido por Sonia Nóvóa quen leva impartido clases de Danza en múltiples escolas de Galicia e incluso no estranxeiro. Forma parte do Grupo Castro-Floxo co que leva percorrido infinidade de escearios de todo o mundo. Ademáis, foi coñecida por ter sido xurado do Concurso "Vai de Baile" do Programa Luar.

É un obradoiro aberto e gratuíto con límite de prazas, existindo prioridade para os socios de Rebulir. Para anotarse ou solicitar información contactar con nós no teléfono 639 908 005 ou ben en rebulir@hotmail.com.

NOTA IMPORTANTE: As clases de Gaita e Percusión pasarían para horario de tarde (a partir das 17:00 h). Suspéndese os ensaios do grupo de adultos, NON os de pequenos e medianos.

VENRESPIRAR 2011

2011-02-21T18:47:00.005+01:00

Voltan os Venrespirar a cidade das Burgas. Unha festa tradicional itinerante para xuntarse e troulear os derradeiros Venres de cada mes. Están organizadas pola AOFT Gomes Mouro e o Colectivo Algaravía, nesta edición Rebulir somos co-organizadores ou colaboradores como se queira entender. O caso é que axudaremos no desenvolvemento destas festas.

As citas serán as 22:30 h. en ...

- Venres 25 de Febreiro . No Liceo de Ourense.

- Venres 25 de Marzo. Na Teteria Grándola

- Venres 29 de Abril. Na Cafetaría A Efémera.

- Venres 27 de Maio. Na Cafetaría Ollo Ledo

- Venres 17 de Xuño. Na Praza de San Martiño (Bar Miguel) - Venrespiriño (Obradoiro infantil de baile tradicional) e posterior Venrespirar de peche da tempada.

Que non falte a troula nin as gañas de bailar! Quedades emprazad@s para os Venrespirar!!

FOLIADA NO IRIXO

2011-02-08T12:14:00.002+01:00

As amigas cantareiras "Piconas do Irixo" organizan esta fin de semana a súa primeira Foliada. Convidarannos a participar da mesma para tocar e bailar, a ata alí nos desprazaremos un nutrido grupo de rebuldeir@s con ganas de troula.

Animádevos a asistir que a noite promete !

CARTAZ V NOITE DE FIADEIRO

2011-01-24T09:00:00.011+01:00

Neste 2011, ao cumplirse a V edición da Noite de Fiadeiro contaremos cunha ilustradora de luxo para a realización do cartaz anunciador da festa. Ela é a arousá NURIA DÍAZ, licenciada en Belas Artes e actual gañadora do premio Pura e Dora Vázquez de ilustración. Nos seguintes enlaces podedes visitar os seus blogs e ver algúns dos traballos que desenvolve:

- Krabismos
- Krabismos shop
- Noticia na Voz de Galicia

Desde Rebulir queremos agradecerlle a autora o interese mostrado polo proxecto. Esperamos con moitas ganas ver a súa obra que con toda seguridade nos sorprenderá moi gratamente.

OFERTA GRUPOS E ARTESÁNS V NOITE DE FIADEIRO

2011-01-16T23:00:00.000+01:00

Ide apuntando a data. Como todos os anos polo derradeiro Sábado de Abril, este ano día 30, chega a Ramirás a Noite de Fiadeiro, que este ano cumpre a súa V edición. Durante toda a Xornada desenvolveranse actividades de diferente índole animando o pobo, pero o acto central da festa, O Fiadeiro, chega pola noitiña cando bailadores, músicos, cantadores, regueifeiros... se xuntan no torreiro de San Andrés para disfrutar xuntos coma se facía antano.

Se queres vir participar con nós como grupo de música tradicional, podes enviarnos a túa solicitude cos seguintes datos:

* Nome do grupo:
* Tipo de grupo: (Pandereteiras, gaiteiros...)
* Número de participantes:
* Lugar de procedencia:
* Teléfono de contacto:
* Enderezo electrónico:

Tamén abrimos a posibilidade da instalación de postos de venda artesáns (coiro, olería, madeira, prendas, comida, bebida, doces...) nese caso a ficha sería a seguinte:

* Nome do representante:
* Teléfono de contacto:
* Lugar de procedencia:
* Producto de venda:
* Nome da empresa/posto:

( A organización resérvase o dereito de seleción dos postos, conforme a filosofía da festa. )

Estos datos podedelos mandar ao correo rebulir@hotmail.com ou ben por enderezo postal a:

Asociación Rebulir
Praza de San Andrés s/n. Vilavidal
32810 - Ramirás (Ourense)

DATA LÍMITE: 6 de Marzo

Da nosa conta vai a paparota, o viño, os licores e mesmo auga (de darse o caso), da túa vai desfrutar da festa!!

Para calquera dúbida ou aclaración das condicións podedes contactar con nós no 639 908 005. QUEDADES EMPRAZADOS PARA A V NOITE DE FIADEIRO!!!!

RETOMAMOS...

2011-01-08T15:03:00.004+01:00

Tras estas datas nas que nos tomamos un descanso dos ensaios (que non de actividades), retomaremos o funcionamento normal o vindeiro Sábado 15 . Este día comezarán tamén as clases de canto tradicional con Mar . Recordade que hai dous grupos:

* Grupo B - De 16:00 h a 17:00 h
* Grupo A - De 17.00 h a 18:00 h

E non paramos porque comeza a conta atrás cara a V Noite de Fiadeiro, que se celebrará o 30 de Abril. Xa estamos argallando cousas para que este ano sexa un chisquiño mellor que o anterior.

Non vale parar compañeir@s !!

CANTOS DE REIS E CHEGADA DAS SS.MM. OS REIS MAGOS

2011-01-01T21:08:00.008+01:00

As SS.MM. os Reis Magos de Oriente chegaran a Ramirás o vindeiro día 5 convidados pola nosa Asociación e o Concello de Ramirás. A comitiva irá integrada por paxes e servintes dos Reis, así como gaiteiros, músicos e cantadores que lles darán a benvida. O programa que seguirán será o que a continuación se describe:

16:00 h - Visita ao Centro Xeríatrico residencial de O Mosteiro

17:00 h - Animación Infantil no Centro Sociocultural de O Picouto.

17.30 h - Recepción Oficial no Centro Sociocultural de O Picouto. Aquí adicaránlle unhas palabras aos máis cativos e escoitarán as súas peticións para esa noite.

18:30 h - Recuperación dos Cantos de Reis por diferentes pobos de O Concello.

20:30 h - Despedida das SS.MM.

Un ano máis e visto o éxito do pasado ano, tentaremos recuperar os Cantos de Reis, que xa parecian esquecidos neste Concello Ourensán. Así iremos casa por casa entoando pezas típicas desta época do ano, pedindo aguinaldo, que en moitas ocasións é económico e noutras é o convite a un viño e un pedazo de rosca.

BOAS FESTAS!!

2010-12-24T10:00:00.000+01:00

SORTEO CESTA PRODUTOS ELECTRÓNICOS

2010-12-22T11:26:00.003+01:00

O NÚMERO GAÑADOR DA CESTA DE PRODUTOS ELECTRÓNICOS QUE SORTEABAMOS ESTE ANO É O:

- 0250 -

Podedes recoller o premio na Casa do Concello de Ramirás nos vindeiros 20 días.

Graciñas pola colaboración.

GRACIÑAS!!!!

2010-12-20T14:05:00.005+01:00

Despois do V Festival Rebulir celebrado esta pasada fin de semana solo podemos dicir unha cousa, que é GRAZAS!, o noso agradecemento para :

- Aos asistentes, en especial a amigos e familiares de Rebulir pola súa paciencia e colaboración inestimable.
- Aos grupo participantes, Gaztedi, grupo de Val de San Lorenzo, grupo de Pinheiros, Alma Llanera e Airiños da Lagoa pola súa calidade artística, pero sobretodo humana
- Para o persoal do Concello de Ramirás, pola súa adicación e traballo.
- Para José Diz polo cartaz, para Eduardo polas iluminación, para Marcos Pérez polo son, para Santiago Sotelino polas fotografías, para Pachi Varanda polo vídeo, para María do centro sociocultural de O Picouto
- Para os patrocinadores, O Concello de Ramirás e Caixanova
- Para os colaboradores, Televisión de Galicia, Concello de Celanova e Onde Queiras
- Para os medios de comunicación pola súa difusión. Televisión de Galicia (programa Luar e Vaia troula), Cadena Ser-Ourense, Radio Galega, Folk in trio de Cuak FM, La Región, La Voz de Galicia, Malmequer, Frouma, AGG, Folque, Ghastaspista, turismo galicia, esourense.com, mundourense.com, tempo de lecer, Turismo de Ourense, fiestas gallegas, páxinas galegas, ocio24horas, lecturas.org, xuventude xunta de Galicia... entre outros como Facebook, twiter ou tuenti.
- E sobretodo para os compañeiros e compañeiras de Rebulir polo seu traballo a esgalla durante estas xornadas e as previas, o resultado foi froito dun proceso de implicación por parte de todos moi grande.

(esperemos que non se nos esqueza ninguén)

Sen vós, sería imposible lograr o obxectivo de seguir crecendo ano a ano!!! unha vez máis ...

GRAZAS A TOD@S!!!!

PD: Xa podedes ver o vídeo do programa Vaia Troula gravado na mañá do Sábado na Praza de San Andrés, facendo click aquí

V FESTIVAL REBULIR, de baile e música tradicional

2010-12-05T19:29:00.004+01:00

- preme enriba da imaxe para ampliar -

Os vindeiros 18 e 19 de Decembro o Concello de Ramirás converterase nunha festa das culturas, co V Festival Rebulir de Baile e Música Tradicional. Para isto contamos cun programa cheo de actividades que tedes detallado nesta mesma páxina.

Na parte de arriba tedes o cartaz artellado polo deseñador José Diz, ao cal lle queremos agradececer desde aquí a súa colaboración.

Aquí vos deixamos os enlaces as páxinas web ou espazos dos diferentes grupos que nos visitarán, por se queredes ir abrindo boca.

- Rebulir (Ramirás)

- Airiños da Lagoa (Baiona)

- Grupo folclórico de Pinheiros (Portugal)

- Grupo folclórico maragato de Val de San Lorenzo (León)

- Alma Llanera (Venezuela)

- Gaztedi dantzari taldea (Euskadi)

Desde este momento quedades todas e todos convidados a participar das actividades deste encontro multicultural. No caso de producirse algunha novidade ou cambio sería publicada neste blog ou no noso espazo de facebook.

V FESTIVAL REBULIR, - PROGRAMA de mán

2010-12-05T19:26:00.001+01:00

- preme enriba da imaxe para ampliar -

RIFAS A VENDA

2010-11-20T22:57:00.003+01:00

Xa temos a venda as RIFAS de Nadal, coas cales sorteamos unha CESTA DE PRODUCTOS ELECTRÓNICOS (Cámara dixital, equipo de sonido, rato, memoria dixital, microfono...). Un pack completiño.

Por tan só 1 Euro podes mercar a túa e así colaborar a financiar as actividades que facemos desde a asociación.

AVISO: Na semana próxima presentaremos o cartaz do V Festival Rebulir de Baile e Música Tradicional.

REBULIR PARTICIPA NO OUTONO FOTOGRÁFICO

2010-11-08T19:47:00.005+01:00

Rebulir colaborará co Outono Fotográfico que organiza a Casa da Xuventude de Ourense, co patrocinio da Xunta de Galicia e o Xacobeo 2010. Desde o día 16 de Novembro ao 11 de Decembro estará aberta ao público no Centro cívico da rúa Colón de Ourense a exposición "Unha ollada ao pasado. Fotografías antigas de Ramirás e comarca", que coordinará Sandra González Sousa.

Como ben sabedes esta exposición está composta dalgunhas das instantáneas recollidas nos concursos de fotografía antiga, convocados por esta entidade nos últimos anos.

Se queredes máis información sobre a exposición podedes visitar o seguinte enlace:

http://www.outonofotografico.com/2010/spip.php?article84&lang=gl

REPORTAXE NO VIDA

2010-11-03T00:02:00.004+01:00

Aínda que con retraso aquí tedes o reportaxe que o Suplemento Vida do Xornal La Región publicou con motivo do acto de Apertura do curso e a entrega de premios do III Concurso de Fotografía Antiga.

GRUPOS V FESTIVAL REBULIR B.M.T.

2010-10-18T10:00:00.003+02:00

Preme enriba da imaxe para agrandala.

A dous meses da celebracion do V Festival Rebulir de Baile e Música Tradicional presentamos os grupos que nos visitarán nesta edición conformando o cartaz definitivo. Quedades emprazad@s o 18 de Decembro no Polideportivo de O Picouto (Ramirás) para disfrutar deste encontro multicultural.

ACTIVIDADES CURSO 2010/2011

2010-10-05T23:24:00.004+02:00

Tras presentar o pasado Sábado o horario das clases regulares de baile e música tradicional desta escola, correspondentes ao curso 2010-2011. Presentámosvos agora a programación de actividades culturais e de lecer para os vindeiros meses.

- 18 e 19 de Decembro - V Festival Rebulir de Baile e Música Tradicional. O cal este ano adquire maior nivel internacional coa presenza de grupos procedentes de Galicia, outras comunidades autónomas, e mesmo estranxeiros.

- 19 de Decembro - Foliada. Dentro da programación do V Festival Rebulir, aproveitaremos para facer unha sesión libre de música tradicional no bar "Onde Queiras" de Celanova, contando coa presenza dos grupos participantes do Festival.

- 26 de Decembro - Inauguración exposición "Voltando aos tempos de antes" fotografias antigas de Ramirás e comarca.

- Xaneiro - Xuño de 2011 - IV Concurso de Fotografía Antiga

- 5 e 6 de Xaneiro - Cantos de Reis. Recuperación desta manifestación tan tradicional polos diferentes pobos do Concello.

- 30 de Abril - V Noite de Fiadeiro. Festa que recrea a esencia dos antigos fiadeiros que se celebraban na comarca. Durante toda a Xornada organízanse múltiples actividades para crear no pobo de Vilavidal un ambiente lúdico que anime a participación.

- 25 de Xuño - Festa de Peche de Curso. Unha xornada con múltiples actividades de convivencia para membros, familiares e amigos de Rebulir.

Estas son as actividades que actualmente temos xa fixadas. Pero aínda temos na recámara algunhas por confirmar como Obradoiros, saídas, actuacións, charlas... etc, as cales iremos publicando no noso blog segundo as vaiamos confirmando.

Quedades desde agora convidad@s a pasalo ben con nós!

HORARIOS CURSO 2010-2011

2010-09-26T23:54:00.002+02:00

- Pincha sobre a imaxe para agrandar -

As clases de canto comezarán a partir da primeira fin de semana de Decembro. O resto desenvolveranse con normalidade e regularidade durante o ano, agás periodos vacacionais ou contratempos.

PREMIADOS III CONCURSO FOTOGRAFÍA ANTIGA

2010-09-21T11:30:00.000+02:00

Reunido o xurado do III Concurso de Fotografía Antiga, constituido por D. Alexandre Sotelino Losada (representante de Rebulir), D. Fco. Xavier Alvarez Castro (representante do Centro de Cultura Xaquin Lorenzo) e Dna. Pilar O. López García (representante do Concello de Ramirás) decidiron outorgar os seguintes premios seguindo as bases publicadas polos convocantes.

PREMIO ESPECIAL A MELLOR FOTOGRAFÍA

-D. Benito Feijoo Fernández (Alcume "Serranchíns") de Mosteiro (Ramirás)

PREMIO ESPECIAL A FOTOGRAFÍA MÁIS ANTIGA

- D. Adrián e Dna. Ana Mª Rodríguez (Alcume "Os Trapalleiros") de A Arrifana (Ramirás)

PREMIOS A MELLOR COLECCIÓN

- 1º PREMIO. Dna. Purificación Feijoo Román (Alcume "Os Feijoo") de Mosteiro (Ramirás)

- 2º PREMIO. Dna. Concha Ferreira Vieiro ( Alcume "Nela" ) de Pambre (Ramirás)

- 3º PREMIO. Dna. Carmen Lorenzo Míguez (Alcume "As Canellas") de Vilanova de Penosiños (Ramirás)

- ACCESIT. D. José Rodríguez Martínez (Alcume "O Rezitos") de A Arrifana (Ramirás)

- ACCESIT. Dna. Susana Durán González (Alcume "Tacón" ) de Celanova

As decisións deste xurado serán inapelables. Os premios serán entregados o día 25 de Setembro de 2010 durante o acto organizado a tal fin na sede de Rebulir.

PRESENTACIÓN CURSO E ENTREGA DE PREMIOS

2010-09-18T10:00:00.001+02:00

O Vindeiro Sábado 25 de Setembro as 19:00 h no local de Rebulir terá lugar o acto de presentación do curso 2010/2011 onde se exporán o público asistente as diferentes actividades, horarios, profesorado... sendo a principal novidade deste ano a futura creación dun grupo de pandereteir@s conformado por nais, avoas, pais, avós, familiares... de alumnos da escola, que comezara a súa andadura polo mes de Decembro.

Este acto servirá tamén como foro para a entrega dos premios do III Concurso de Fotografía Antiga, no cal se recolleron este ano arredor de dous centenares de instantaneas. A relación de premiados será publicada ao longo da semana vixente neste blog.

Quedan convidados a asistir a este pistoletazo de saída cara un curso cheo de novos proxectos e retos por acadar. Para máis información poden chamar ao teléfono 639 908 005

E AGORA ASTURIES...

2010-09-14T01:18:00.003+02:00

Para rematar as actuacións do Verán un broche de Ouro. Marchamos para a Asturias onde os amigos da Escola de Musica Tradicional de Llangreu e da Banda de Gaitas de Noreña nos teñen convidado a participar de diferentes actos como son a Festa de Degustación do Gochu, O Acompañamento oficial de autoridades, o desfile das festas patronais... sendo a nosa principal actuación o Luns pola tarde no dia principal de Noreña, compartindo escenario con grupos chegados de diferentes puntos de España.
.

A nosa estancia por terras astures prolongarase desde o vindeiro Venres 17 ata xa entrado o Martes 21 cando teremos a nosa viaxe de volta. Procuraremos representar ben a cultura galega, e para eso ademais das nosas cantigas e bailes, levaremos tamén productos tan tipicos da nosa terra como é a Queimada, viño ou Licor Café.

Tras esta visita o día 25 de Setembro faremos a presentación oficial do curso 2010/2011 e entregaremos os premios correspondentes ao III Concurso de Fotografía Antiga.

VOLTAMOS A CACIA-AVEIRO (PORTUGAL)

2010-09-07T22:52:00.002+02:00

Outro ano máis o noso grupo Irmao da Casa do Povo de Cacia (Aveiro - Portugal) convidounos a participar do seu VII Encontro Internacional de Folclore Infantil/Xuvenil, que se celebrará a vindeira fin de semana do 11 e 12 de Setembro.

Ata aló nos desprazaremos co grupo de medianos da nosa escola acompañados polos músicos e profesores. Así como unha boa comitiva de nais e pais que seguiran o espectáculo. Compartiremos esceario con grupos chegados de diferentes puntos de Portugal. Xa o Domingo participaremos do Evento POVOar LAÇOS onde portugueses e galegos intercambiaremos danzas, cantos e xogos. Logo regresaremos a Ramirás tras unha fin de semana intensa, pero sobretodo divertida para os nosos cativos.

III CONCURSO DE FOTOGRAFÍA ANTIGA

2010-08-22T22:00:00.002+02:00

AMPLIAMOS O PRAZO ATA O VENRES 10 DE SETEMBRO

A Escola de Baile e Música Tradicional “Rebulir” de Ramirás, en colaboración co Concello de Ramirás e o Centro de Cultura Popular Xaquín Lorenzo Fernández da Deputación de Ourense, convoca o “IIIº Concurso de Fotografía Antiga”, plantexándose os seguintes obxectivos: Recuperar a memoria fotográfica do Concello de Ramirás e a súa comarca, fomentar a investigación, recolleita e indagación entre os participantes e servir de base para estudar as costumes, traxes, instrumentos, oficios... etc que eran tradicionais na zona. Estará regulado polas seguintes

BASES:

1. Os interesados poderán participar a nivel individual ou como colectivo, asociación cultural, grupo folclórico, etc.

2. Admitiranse fotografías tanto en branco e negro coma en cor, realizadas con anterioridade a 1980 e que teñan algún tipo de relación co Concello de Ramirás e limítrofes (Comarca Terras de Celanova).

3. O concurso terá unha única categoría e dous premios especiais :

- Premiarase a Mellor Colección de Fotografías
- Premios especiais:

a. Mellor Fotografía
b. Fotografía máis antiga

4. Premios :

* Premios a Mellor colección de Fotografías

- 1º Premio: Cámara Dixital + lote libros fotografía C.C.P.X.L. Xocas + Diploma
- 2º Premio: Equipo de música + lote libros fotografía C.C.P.X.L. Xocas + Diploma
- 3º Premio: Un lote libros fotografía C.C.P. Xaquín Lorenzo + Diploma

* Premio especial a Mellor Fotografía

- Equipo de música + lote libros fotografía C.C.P. Xaquín Lorenzo + Diploma

* Premio especial a Fotografía máis antiga.

- Equipo de música + lote libros fotografía C.C.P. Xaquín Lorenzo + Diploma

5. A mesma persoa non poderá recibir máis de un premio, prevalecendo sempre o Premio xeral ante os especiais. Neste caso entregarase o premio especial a seguinte persoa ou colectivo seleccionado.

6. O xurado será nomeado pola Escola de Baile e Música Tradicional “Rebulir” e as súas decisións serán inapelables.

7. As fotografías deberán ser remitidos á Escola de Baile e Música Tradicional “Rebulir” no seguinte enderezo:

III CONCURSO DE FOTOGRAFÍA ANTIGA
Escola de Baile e Música Tradicional Rebulir
Praza de San Andrés S/N.
CP: 32810. Vilavidal – Ramirás (Ourense)

Ou ben ao Concello de Ramirás no seguinte enderezo:

Concello de Ramirás
O Picouto. s/n. 32810.
Ramirás – Ourense

e serán entregadas nun sobre con pseudónimo. Noutro sobre pechado serán incluídos os datos do participante: Nome, Enderezo, Teléfono, etc. e máis os datos referidos á fotografía segundo a ficha que acompaña estas bases.

8. A data límite de presentación dos traballos será o día 31 de Agosto de 2010.

9. Unha vez que o xurado falle os premios, daranse a coñecer a través da páxina web da Escola de Baile e Música Tradicional “Rebulir”, http://www.rebulir.blogspot.com/ , así como a data e lugar de entrega dos premios.

10. As fotografías participantes no concurso poderán ser copiadas pola Organización, para realizar exposicións ou publicacións, facendo referencia en todo caso á súa procedencia.

11. Todas as fotografías poderán ser recollidas polos seus propietarios durante os dous meses posteriores á data de entrega dos premios, no Concello de Ramirás. Unha vez transcorrido ese tempo, os traballos pasarán a ser propiedade da Organización.

12. A participación en calquera das diferentes modalidades deste concurso implica a total aceptación das presentes bases.

XXVII XORNADAS DE FOLCLORE

2010-08-04T12:16:00.005+02:00

Chegan un ano máis as Xornadas de Folclore, que este ano cumpren XXVII edicións ininterrumpidas estando na elite dos festivais de baile e música tradicional. Desde o vindeiro Lúns 9 de Agosto, cando o grupo anfitrión "Castro Floxo" lles dará a benvida cun pequeno espectaculo no teatro principal da cidade, ata o día 19 percorrerán as proncipais vilas da Provincia de Ourense, así como Monforte en Lugo e Chaves en Portugal.

Doce son os Grupos participantes nesta edición, procedentes de diferentes puntos do globo.

- España (Segovia) - La Esteva

- Portugal - Grupo Etnografico da Areosa

- Polonia - Grupo Poloniny

- Servia - Grupo Simionov Tucovic

- República de Daguestán - Compañía Estatal Lezginka

- Senegal - Ballet Jammu

- Kenia - African Tumbas

- Indonesia - Klub Peminatan

- Cuba - Conjunto Artístico Maraguán

- México - Compañia de Danza Tenochtitlan

- Argentina - Instituto El Cimarrón

- Brasil - Ballet Folclórico da Amazonía

Desde Rebulir animámosvos a asistir a calquera dos múltiples espectáculos que este festival desenvolverá, posto que todos os grupos son dunha gran calidade artística e paga a pena sentarse por un anaco a disfrutar doutras culturas.

Para máis información podedes visitar a páxina propias das Xornadas:

http://xornadasdefolclore.teatroprincipalourense.com

PEQUENAS VACACIÓNS

2010-07-19T12:32:00.002+02:00

Despois desta fin de semana por Tordoia (A Coruña) agora toca descansar un pouco, que creo que ben nolo merecemos. Será en Setembro cando retomemos con dúas citas moi importantes como son :

- 11 e 12 - Encontro Internacional de Folclore Xuvenil de Cacia-Aveiro
- 17, 18, 19 e 20 - Encontro cultural en LLangreu (Asturias)

Aínda así non estaremos parados de todo porque o III Concurso de Fotografía Antiga segue en vixencia ata o 30 de Agosto.

IMONOS A PONTRAGA - TORDOIA

2010-07-12T10:00:00.001+02:00

Outro ano máis voltamos a Romaría Galega que @s amig@s de Brisas do Quenllo organizan o 17 de Xullo na Pontraga (Tordoia - A Coruña). Compartiremos escenario con grupos ben coñecidos como son Retrouso de Cela (Bueu) ou a Escola Etnográfica de Cacia (Aveiro - Portugal). E xa a noite e coa barrigola chea estaremos dispostos a botar unhas bailas coas Bouba, Flor da Maquía, Os Estoupapozas e Muxarega.

Será un pracer voltar por esas terras onde tan ben nos acolleron o pasado ano, e onde coñecimos xente tan festeira. Graciñas polo convite!!

REBULIR NA REVISTA GALEGA DE EDUCACIÓN

2010-07-05T10:00:00.000+02:00

A Revista Galega de Educación adica o seu número 47 a Música Tradicional. A publicación editada por Nova Escola Galega, contou para este exemplar coa colaboración de persoas de recoñecido prestixio no ámbito como son: Guadi Galego, Luis Prego, Pablo Carpintero, Antón Castro, Xaneco Tobio, Baldomero Iglesias (Mero), Tiano Labraña, Paulo Nogueira, Magoia Bodega... entre outros moitos.

No apartado de Escola Rural, adicase un artigo a nosa escola que leva por título: "Rebulir", unha experiencia en Ramirás, e foi escrito por Alexandre. Nel faise referencia ao traballo pedagóxico, social e cultural que estamos a desenvolver.

No seguinte enlace podedes ver o sumario da Revista.
.

- Revista Galega de Educación. Número 47.

Desde aqui queremos agradecer a Nova Escola Galega por ter contado con nós para esta publicación.

I LUMEIRADA DO RÍO DEVA

2010-06-29T10:00:00.000+02:00

O Vindeiro Sábado estaremos por Pontedeva para animar cos nosos Bailes, Músicas e Cantigas o que será a I Lumeirada do Deva. Eso será contra as 20.30 da tarde, como paso previo a cea e posteriormente o concerto do Grupo A Roda. Promete unha boa xornada de festa!

FESTA DE PECHE DO CURSO 2010

2010-06-14T23:31:00.003+02:00

VEN O VERÁN...

2010-06-01T00:07:00.005+02:00

Tras a Festa de A Bela Auria seguimos o noso percorrido xa de cara ao Verán. Así as vindeiras citas serán:

- Festa de Peche do Curso. Xuño. O Picouto (Ramirás)
- Romaría do San Paio. 27 de Xuño. Rubiás (Ramirás)
- I Lumeirada do Deva. 3 de Xullo. Concello de Pontedeva
- XI Romaria Galega. 17 de Xullo. Pontraga - Tordoia (A Coruña)
- VII Encontro Internacional de Folclore Xuvenil de Cacia-Aveiro. 11 e 12 de Setembro. Portugal
- Encontro de Escolas de Música Tradicional. 17, 18, 19 e 20 de Setembro. Llangreu - Asturias

E algunhas outras que ainda están sen confirmar, que iremos pubicando segundo vaiamos pechando. E veña a seguir bulindo e rebulindo!

A BELA AURIA

2010-05-23T22:52:00.003+02:00

Como vos diciamos dias atrás, o vindeiro 30 de Maio teremos o pracer de participar na I Edición de A Bela Auria, que se celebrará nos arredores do Xardín do Posío. Unha xornada para voltar ao Ourense de comezos do século XX. Ata alí iremos unha boa representación de rebuldeiros para animar coas nosas músicas e algo do noso baile, e como sempre armar festa!

Quedades convidad@s a vir a esta festa que tanto promete, se queredes ver o programa completo, podedes pinchar aqui, e para máis información podedes visitar as súas páxinas :

- http://www.belaauria.com/
- http://belaauria.wordpress.com/

Noraboa aos organizadores pola iniciativa, ben seguro que se vai convertir nunha cita de referencia. Nós poremos todo o posible da nosa parte.

PRÓXIMAS PARADAS...

2010-05-18T10:56:00.004+02:00

Tras o éxito da IX Romaría Raigame onde bailamos e tocamos solos e acompañados durante toda a xornada, seguimos a troulear por diferentes lugares...

A próxima data será o Domingo 23 as 17:00 h no Centro Sociocultural de O Picouto, onde estaremos no acto de homenaxe a D. Manuel González Álvarez. Se queredes máis información do homenaxeado e do acto podedes facer click aquí.

E o día 30 deste mes, quedades emprazados para o que será a I Festa "A Bela Auria" que pretende ser unha recreación do que era a vida na cidade de Ourense de comezos do Século XX. Alí estaremos dinamizado os diferentes espazos coas nosas músicas e porque non algo de baile tamén.

IMOS A ROMARÍA RAIGAME 2010

2010-05-09T19:30:00.000+02:00

Un ano máis chega polo 17 de maio a Romaría Raigame, en Vilanova de Infantes (Celanova). O pobo da un salto no tempo para acoller a artesans, postos de comida e bebida, bailadores, cantadores, músicos, Animación de rúa, xogos tradicionais... e un sen fin de actividades lúdicas durante a xornada. Non hai mellor xeito de celebrar o día das nosas letras que como o facían os nosos devanceiros nas antigas Romarías.

Nos, habituais da festa, non nola perderemos e teremos a nosa interveción (programada), as 12:30 e as 13:00 horas na Praza Tralacerca e Plaza Maior da Vila respectivamente. Para logo seguir animando cos nosos instrumentos e canticos varios outras prazas e tabernas durante toda a xornada.

Aquí vos deixamos o enlace ao Programa que Alala lle adicou a esta festa e máis ao grupo Castro Floxo... botádelle un ollo xa veredes como se vos meten as ganiñas no corpo ...

http://www.youtube.com/watch?v=wRymZD0yTYE

http://www.youtube.com/watch?v=GOlR42PQHnQ&feature=related

E se queredes todavía máis información aquí tedes a páxina oficial, onde se vos explica todo:
http://www.romariaraigame.es/

REPORTAXE EN LA REGIÓN

2010-05-05T14:22:00.005+02:00

Aquí vos deixamos o reportaxe de dúas páxinas que o pasado Domingo sacaban no suplemento Vida do Xornal La Región. Tivémolo que partir posto que non entraba nunha soa folla.

Para ampliar as imaxes podedes pinchar sobre elas.

VIDEOS E FOTOS NOITE DE FIADEIRO

2010-05-03T18:31:00.002+02:00

Xa podedes ver algúns vídeos no Youtube da IV Noite de Fiadeiro. Ainda que con bastante mala calidade. Deixamosvos os enlaces:

- Ambiente
- Airiños d´Arnoia
- Escola de Música Tradicional de Ourense
- Castro Floxo 1
- Castro Floxo 2
- Xestreu
- Cantigas e Agarimos
- Linho do Cuco
- Linho do Cuco 2

Tamén tedes algunhas fotos subidas nos seguintes enlaces:

- Facebook de Rebulir
- Paxina de Alternativas Sociais OU

E en poucos dias subiremos tamén unha seleción ao apartado de fotos deste Blog.

FIN DE SEMANA COMPLETO

2010-04-28T10:00:00.000+02:00

Avecíñase unha fin de semana completiña...

O Venres estaremos no Venrespirar convidados pol@s amig@s de Gomes Mouro e Algaravía. A cita será na cafetería A Efémera de Ourense a partir das 22.30 h. Nós poremos o Baile e a Música, xunto con Os Jalos d´Antioquia e os propios Gomes Mouro.

E o Sábado imos de Troula ata Boborás, no II Serán que organizan Os Serandeiros no Colexio da localidade ourensá. Levaremos Instrumentos e moitas ganas de bailar.

E veña! De festa en festa, e seguimos porque nos presta!

SIMPLEMENTE GRAZAS!!!

2010-04-26T11:33:00.004+02:00

Grazas a:

- Tod@s @s rebuldeir@s por traballar toda a xornada (e meses previos) sen descanso!

- Colectivos musicais participantes: Linho do Cuco, Cantigas e Agarimos, Castro Floxo, Airiños d´Arnoia, Xestreu, Ediunra, Trisquel, Solpor, Os Chichisos, Atalúns, Cantareiras da Bola, Escola de Música Tradicional de Ourense, Os Estoupapozas, MaÇaeda da Limia, Debanadoira, Lecer, As Coruñas...

- Colectivos de animación: CPR Sagrado Corazón, Lúcete Lecer, Centro de Cultura Popular Xaquín Lourenzo, Alternativas Sociais OU...

- Persoas varias: Persoal do Concello de Ramirás, Pulpeiras, fogueteiros, taberneiros, vendedores...

- E os centos de persoas que viñestes a participar da festa.

Xuntos fixestes que fose unha xornada inesquecible, cun gran éxito a tódolos niveis (Asistencia, participación, troula...) . Quedades emprazad@s para a V Noite de Fiadeiro en 2011, coma sempre o derradeiro Sábado de Abril!!

Ata outra!!

IV NOITE DE FIADEIRO

2010-04-12T18:13:00.005+02:00

- Para ampliar as imaxes pinchade sobre elas -

Para chegar ata Vilavidal (Ramirás) tedes as seguites opcións:

- Desde Ourense/Lugo: Coller a estrada OU-540 en direción a Celanova. Na entrada de Celanova desviarse a dereita (Estará indicado) e continuar pola estrada OU-531, ata chegar a Vilavidal.

- Desde Vigo/Pontevedra: Coller a Autoestrada A-52, saír no desvío de A Cañiza/Crecente (Saída 272). Seguir en direción Cortegada pola Estrada PO-406, que se une coa OU-133. Logo continuar en direción Celanova e seguir a estrada OU-531, ata chegar a Vilavidal.

- Desde Compostela/A Coruña: Coller a Autoestrada AP-53 e logo AG-53, sair no desvio Ourense Sur (Saída 224). Na rotonda da saída, incorporarse a Estrada OU-540 en direción Celanova. Na entrada de Celanova desviarse a dereita (Estará indicado) e continuar pola estrada OU-531, ata chegar a Vilavidal.

ENCONTRO NACIONAL DE FOLCLORE - VALLADOLID

2010-03-31T01:21:00.003+02:00

Os Vindeiros 9, 10 e 11 de Abril Rebulir representará a Galicia no VII Encontro Nacional de Folclore, que se celebrará na cidade de Valladolid, organizado pola Agrupación Castellanos de Olid.

Durante esa fin de semana, participaremos en diferentes actividades, sendo o acto central o Festival que terá lugar na tarde do Sábado 10 e onde coincidiremos con grupos chegados de outras Provincias. A nosa actuación constará de dous pases de 15 minutos cada un con cambio de vestiario, e un variado programa de Danzas. Tras este producirase o intercambio de lembranzas do encontro, que fará o Exmo. Alcalde de Valladolid e outra autoridades. Deixamos a continuación o cartaz anunciador desta edición.

GRUPOS E COLABORACIÓNS DA IV NOITE DE FIADEIRO

2010-03-09T18:29:00.006+01:00

Tras pechar o pasado Venres 5 de Marzo o prazo para a inscripción como colaboradores na IV edición da Noite de Fiadeiro, presentamos os colectivos que decidiron unirse a nosa troula o vindeiro 24 de Abril, aqui tedes o listado:

- Linho do Cuco (Lalín / A Estrada)
- Cantigas e Agarimos (Compostela)
- Escola Provincial de Danza - Castro Floxo (Ourense)
- Os Chichisos (Pontevedra)
- Atalúns (Pontevedra)
- Pandereteiras Xestreu (Seixalvo - Ourense)
- Pandereteiras Lecer (Pazos de Borbén)
- Cantareiras da Bola (A Bola)
- Gaiteiros Trisquel (Xinzo da Limia)
- Pandereteiras Ediunra (Arnuide - Vilar de Barrio)
- Airiños d´Arnoia (Arnoia)
- Escola de Música Tradicional de Ourense (Ourense)
- Pandereteiras Debanadoira (Maceda)
- MaÇaeda da Limia (Maceda)
- Lembranza-Solpor (Celanova)
- Os Estoupapozas (Ourense)

- CPR Sagrado Corazón (Celanova). Aportarán os Cabezudos a festa
- Alternativas Sociais OU (Ourense). Traerán o Futbol-Chapas
- Lúcete Lecer. (Ourense). Farán Animación de rúa.

Como vedes a lista é longa, así que a festa non faltará e alongarase até altas horas da mañá. A comezos de Abril presentaremos o Cartaz, que recordemos que é obra do pintor Piquico.

Graciñas a tod@s polo interese mostrado.

REBULIR NO ENCONTRO NACIONAL DE FOLCLORE E ACTUACIÓN EN ASTURIAS

2010-03-03T10:00:00.000+01:00

Os Vindeiros días 9, 10 e 11 de Abril, Rebulir participará representando a Galicia no Encontro Nacional de Folclore en Valladolid, organizado por Castellanos de Olid.

Ata alí nos desprazaremos o grupo de Adultos e Músicos, para desenvolver un programa de 30 minutos con cambio de vestiario, onde interpretaremos diferentes tipos de danzas, desde as máis tradicionais muiñeiras e xotas, ata danzas procesionais e bailes agarrados.

Xa en Maio (7, 8 e 9) desprazaremonos ata Llangreu en Asturias para actuar no Auditorio Valle del Nalón. Alí desenvolveremos un pequeno espectáculo de 40 minutos dividido en dúas partes e actuando no intermedio a Escola de Música Tradicional de Llangreu.

AVISO: SUSPENDEMOS ACTIVIDADES

2010-02-27T17:12:00.003+01:00

Hoxe Sábado con motivo dos avisos por Temporal dados, decidimos suspender todas as actividades desta escola, para previr desprazamentos.

VENRESPIRAR 2010

2010-02-22T00:29:00.003+01:00

Os amig@s e compañeir@s de Algaravía e Gomes Mouro convidannos aos...

Venrespirar 2010!!!

Comezan de novo, os Venrespirar en Ourense!!!

Festas itinerantes de música e baile, organizados por "Algaravía" e "AOFT Gomes Mouro".
Realízanse en diferentes locales da cidade de Ourense e coinciden este ano, no último venres de cada mes (comezan as 22:30)

Estas festas están abertas a toda a xente que queira vir e participar, xa sexa tocando, bailando, cantando ou simplemente tomándolle algo e disfrutando do ambiente

Quedades todos convidados a vir e participar

O 1º este venres 26 de febreiro

(últimos venres de cada mes)
Febreiro....... Grándola
Marzo......... Liceo
Abril........... Efémera (Neste Rebulir e máis os Jalos d´Antioquia poremos a troula)
Maio...........ollo ledo
Xuño...........efémera

PIQUICO FARÁ O CARTAZ DA IV NOITE DE FIADEIRO

2010-02-01T10:00:00.001+01:00

O pintor Vianés Angel M. Rodríguez, máis coñecido como Piquico, será o encargado da elaboración do cartaz da IV Noite de Fiadeiro. Podedes ver parte da súa obra nos seguinte enlaces:

- O seu curriculum
- Pinturas sobre o Entroido
- Pinturas

Desde Rebulir queremos agradecerlle ao autor o seu interese polo proxecto. Esperamos con moitas ganas ver a súa obra que ben seguro nos sorprenderá gratamente.

CARA A IV NOITE DE FIADEIRO

2010-01-26T00:50:00.004+01:00

Ide apuntando a data. Como todos os anos polo derradeiro Sábado de Abril, este ano día 24, chega a Ramirás a Noite de Fiadeiro, que este ano chega a súa IV edición. Intentaremos ampliar o programa a toda a Xornada facendo fincapé no acto central que é a noitiña co maior número de participantes posibles.

OFERTA DE GRUPOS.
Se algún grupo de música tradicional ten interese en vir a tocar/cantar a Ramirás, cubride os seguintes datos

* Nome do Grupo:
* Teléfono de Contacto:
* Enderezo:
* Correo Electrónico:
* Número de Compoñentes:

Estes podedes envialos ao noso correo electrónico rebulir@hotmail.com ou ben por enderezo postal a
A.C. Rebulir
Praza de San Andrés s/n. Vilavidal
32810. Ramirás - Ourense

A data límite para a oferta de grupos situámola o 5 de Marzo. Se tedes algunha dúbida o noso teléfono é 639 90 80 05 .

HOMENAXE A UN GRANDE.

2010-01-16T10:00:00.000+01:00

Hoxe adicamos o noso blog a Xosé Méndez, máis coñecido como Morgan, que nos abandonou na tarde de onte. Membro do Orfeon Treixadura, Cantigas e Agarimos e Os Estalotes.

Foi un dos impulsores das Estalotadas en Compostela, ademais de ser un asiduo a foliadas e festas varias. Con el perdemos un dos grandes da Música Tradicional galega. Sempre serás un grande!

AVALIACIÓN DO NADAL.

2010-01-07T10:32:00.004+01:00

Xa rematada a programación de Nadal, agás a Exposición "Unha Ollada ao pasado. Fotografías Antigas de Ramirás" que estará exposta ata o Sábado día 9; agora toca facer avaliación. Creo desde Rebulir nos podemos sentir orgullosos de como resultaron todas as actividades con un gran número de participantes e unha visión máis que positiva desde a organización.

O IV Festival Rebulir foi felicitado e alagado por todos os grupos participantes sen excepción, e para mostra un botón do que din desde Asturias, pinchade aquí. Nós aproveitamos para agradecer de novo a súa presencia en Ramirás.

A Foliada, Exposición e Obradoiro de Bailes Agarrados Tradicionais tamén tiveron unha gran aceptación, o cal nós anima a seguir con este tipo de iniciativas.

E por último a recuperación dos cantos de reis e visita dos Magos de Oriente, foi moi ben valorada polos veciños de Ramirás que abriron as súas casas e os seus petos, para recibir esta manifestación tradicional que xa parecia esquecida.

Solo queda dicir GRAZAS! Grazas a todos os que traballaron na organización e funcionamento (Rebuldeir@s , Concello, Nais/Pais/Avós ... etc), grupos do Festival , A David Álvarez de Xalgarete polo Obradoiro, e sobretodo aos Veciños de Ramirás por partícipes destas actividades.

Agora teremos que comezar a pensar no que será a IV Noite de Fiadeiro en Abril, as próximas visitas ao Encontro Nacional de Folclore en Valladolid e ao Intercambio con Asturias... ademais de outra chea de actividades que virán. Non vale parar!

VISITA REAL E CANTOS DE REIS

2010-01-03T22:07:00.002+01:00

O Vindeiro Martes día 5 as súas Maxestades os Reis Magos de Oriente percorrerá o Concello de Ramirás, saíndo as 16.30 h desde a Praza de San Andrés e visitando en primeiro lugar a residencia da terceira idade de O Mosteiro onde entragarán os agasallos aos residentes. Logo percorreran os diferentes pobos para acabar de novo na Praza de San Andrés onde recibirán aos nenos escoitando as súas peticións e obsequiándolle con doces.

Serán acompañados por músicos e cantadores que entoarán cantos de reis e outros temas nos diferentes puntos onde se pare. Deste xeito recupérase a tradición de pedir o aguinaldo polas casas.

OBRADOIRO DE BAILES TRADICIONAIS AGARRADOS

2009-12-29T10:52:00.003+01:00

Seguindo coa programación de Nadal, o vindeiro Sábado día 2 as 18:00 h no Local de Rebulir (Praza de San Andrés - Vilavidal), teremos un Obradoiro de Bailes Tradicionais Agarrados que impartirá David Álvarez do grupo Xalgarete de Vigo. Quedades covidados!!

EXPOSICIÓN "UNHA OLLADA AO PASADO. FOTOGRAFIAS ANTIGAS DE RAMIRÁS"

2009-12-25T00:00:00.000+01:00

O Vindeiro Domingo as 19:00 h a Sra. Alcaldesa de Ramirás Dna. Pilar Otilia López García, O Concelleiro de Cultura D. Carlos Rodríguez xunto co Director da Escola Rebulir, Inaugurarán a Exposición "Unha Ollada ao Pasado. Fotografías Antigas de Ramirás" coordinada por Sandra González Sousa.

Nesta estarán expostas a maioría das Fotografías recollidas no II Concurso de Fotografía Antiga, e tamén se presentarán algunhas das mellores do I Concurso, constituindo máis de un centenar de instantáneas.

Quedades convidados.

BO NADAL

2009-12-24T14:00:00.000+01:00

GAÑADOR PANTALLA PLANA

2009-12-22T14:20:00.003+01:00

O NÚMERO GAÑADOR DA PANTALLA PLANA É O

294

Poderá recollela nos vindeiros 20 días na Casa do Concello de Ramirás

SORTEO PANTALLA PLANA

2009-12-20T13:00:00.000+01:00

Como sabedes este ano fixemos unhas rifas para sacar uns cartiños para a asociación. Sorteamos unha televisión de pantalla plana 23´´ Modelo LG 227 WD, como a que podedes ver na fotografía. Estade atentos aos vosos números o vindeiro Martes 22. Recordade que ten que coincidir cos tres últimos números do Premio Gordo. E logo podédela recoller nos 20 días seguintes no Concello de Ramirás.

PROGRAMA DO IV FESTIVAL REBULIR

2009-12-09T19:46:00.004+01:00

Se pinchades na Imaxe poderedes ver o programa do IV Festival Rebulir.

O próximo que publicaremos será o Programa completo de actividades para o Nadal

IV FESTIVAL DE BAILE E MÚSICA TRADICIONAL REBULIR

2009-11-25T13:47:00.002+01:00

Presentamos o cartaz que anuncia o IV Festival de Baile e Música Tradicional Rebulir, no cal andamos xa traballando nos últimos preparativos.

En vindeiras datas publicaremos o programa completo

MÁIS MATERIAL PARA REBULIR

2009-11-23T00:20:00.005+01:00

Rebulir ven de beneficiarse do programa que a Universidade de Santiago de Compostela ten para facilitar material do Almacén desta institución a entidades sen ánimo de lucro. Deste xeito incorporaremos ao noso local: Unha Impresora, un reproductor de vídeo VHF e tamén unha televisión.

I XORNADA DO TRAXE TRADICIONAL GALEGO

2009-11-16T18:19:00.003+01:00

Como vos comentabamos a semana pasada, o vindeiro Domingo 22 iremonos ata Monforte de Lemos en Lugo, convidados pola Asociación Cultural de Amigos da Pandeireta. Alí explicaremos as diferentes tipoloxías de traxes e usos, as pezas dos mesmos e os tecidos. Tamén faremos unha pequena mostra de traxes con xente que se cambiará para a ocasión, algúns deles cedidos polo Centro de Cultura Popular Xaquín Lorenzo Xocas, que quizais teña unha das mellores coleccións de traxes que existen en Galicia.

Desde aquí o noso agradecemento aos organizadores polo convite e animalos a que sigan traballando por este camiño.

OBRADOIRO DO TRAXE EN MONFORTE

2009-11-08T23:20:00.003+01:00

O Vindeiro día 22 de Novembro iremonos ata Monforte de Lemos a desenvolver un Obradoiro sobre o Traxe Tradicional, convidados polos amigos da Asociación Cultural Amigos da Pandeireta. Explicaremos as diferentes partes e tipoloxías, ademáis de que varias persoas farán de modelos con traxes propios da nosa asociación e algún cedido polo Grupo Castro Floxo (Centro de Cultura Popular Xaquín Lorenzo).

O lugar escollido é a Casa de Cultura do Concello de Monforte, onde nos xuntaremos as 17.30 h para comezar coa actividade da que esperamos que os receptores saquen proveito. O noso agradecemento aos organizadores polo convite.

MAGOSTO REBULIR

2009-11-02T00:55:00.003+01:00

O Vindeiro Sábado día 7 o grupo de Adultos de Rebulir organiza o Magosto da Asociación. A xuntanza comezará a partir das 21:30 h cando se encenderá o lume e cociñará a carne e as castañas todo bañado con viño da terra, o que veña a continuación será segundo depare a noite.

O FUTBOL CHAPAS VIRÁ A RAMIRÁS

2009-10-30T11:59:00.004+01:00

A Asociación Cultural Rebulir e a Asociación Alternativas Sociais Ourense chegamos a un acordo para desenvolver en Ramirás no vindeiro ano unha xornada da Liga Galega de Futbol Chapas. Constituíndose así o "Trofeo Rebulir" para os gañadores.

O futbol chapas é un lugar de encontro sen idades no que todas e todas teñen un espazo para disfrutar do xogo. Así o definen os seus organizadores que veñen poñendo en marcha esta novidosa iniciativa a nivel galego.

Se queredes saber máis deste xogo podedes consultar o blog http://www.chapasourense.blogspot.com/

PRESENTAMOS OS GRUPOS DO IV FESTIVAL B.M.T. REBULIR

2009-10-26T01:00:00.003+01:00

Estes que presentamos na imaxe son os grupos que este ano conforman o programa do IV Festival de Baile e Música Tradicional Rebulir que se celebrará nos días 19 e 20 de Decembro. En vindeiras datas presentaremos o Cartaz oficial, programa e demais actividades programadas para as datas de Nadal

NOVA ENQUISA

2009-10-14T11:11:00.002+02:00

Acabamos de publicar unha enquisa para poder ver a valoración que tedes das diferentes actividades que organizamos, e así ver cales son as que máis vos interesan. Tédela na columna da dereita da páxina.

REBULIR EN DIARIOFOLK.ES

2009-10-12T10:00:00.001+02:00

A páxina de Internet www.diariofolk.es adica o vindeiro 13 de Outubro un reportaxe sobre a nosa escola, onde se mesturará texto con fotografias e videos.

Así Rebulir será o protagonista do día deste diario, en datas anteriores forono grupos tan coñecidos como Coanhadeira, Fia na Roca, Malvela, Bonovo ou o Cuarteto Caramuxo

ACTIVIDADES CURSO 2009/2010

2009-10-04T23:19:00.004+02:00

Tras presentar o pasado día 26 o curso e comezalo esta fin de semana agora damos a coñecer o que será o calendario de actividades para os vindeiros meses:

- 7 de Novembro: Magosto

- 19 e 20 de Decembro: IV Festival de Baile e Música Tradicional Rebulir, nesta edición contaremos con grupos Galegos, de Portugal, Castela e León e Asturias.

- 26 de Decembro: Obradoiro de Bailes Tradicionais Agarrados.

- 2 de Xaneiro: Inauguración da segunda fase da Exposición "Os tempos de Antes. Fotografías Antigas de Ramirás".

- 5 de Xaneiro: Cantos de Reis en Ramirás

- 24 de Abril: IV Noite de Fiadeiro. Con actividades durante toda a xornada.

- Maio - Agosto: III Concurso de Fotografía Antiga

- 26 de Xuño: Festa de Fin do Curso.

Durante o resto do ano iremos organizando máis actividades que aínda non están programadas: Charlas, Saídas, Actuacións, cursos... segundo se vaian concretando iremos concretándoas na páxina da asociación http://www.rebulir.blogspot.com/

REBULIR NA PRENSA DE HOXE.

2009-09-30T13:03:00.003+02:00

O suplemento Xornal Escolar do Diario La Región adica hoxe dúas páxinas a actividade e funcionamento de Rebulir como escola. Na primeira recóllense algunhas das actividades que se veñen realizando durante o ano, na segunda faise unha entrevista a Alexandre como director.

Tamén no interior do Xornal recóllese a noticia da presentación do curso 2009/2010 e a entrega de premios do II Concurso de Fotografía Antiga.

FOTOS DAS ACTUACIÓNS DO VERÁN

2009-09-26T22:55:00.004+02:00

Chegan tarde pero aquí están as fotos e algún vídeo das actuacións que Rebulir fixemos este Verán. Podedes velas na parte de abaixo do Blog, e os vídeos pinchando nos enlaces que tedes a continuación. Algunhas delas son recollidas do blog de brisas do quenllo.

http://www.youtube.com/user/rebulir#play/all/uploads-all/0/8oXlnJRewE8

http://www.youtube.com/user/rebulir#play/all/uploads-all/1/6nwl3Td_lfk

RESULTADOS II CONCURSO DE FOTOGRAFÍA ANTIGA

2009-09-22T09:30:00.001+02:00

O xurado do “IIº Concurso de Fotografía Antiga” convocado pola Escola de Baile e Música Tradicional “Rebulir” , en colaboración co Concello de Ramirás e o Centro de Cultura Popular Xaquín Lorenzo Fernández da Deputación de Ourense, reunido, o 18 de Setembro de 2008, decidiu outorgar os seguintes premios:

Premio especial á mellor fotografía:

- Para a fotografía número 30 da colección presentada por Ángela e Cristian González Amoeiro, de Ver (Ramirás), datada no 1909.

Premio especial á fotografía máis antiga:

- Este premio quedará deserto ao coincidir co premiado a mellor fotografía.

Premios á mellor colección:
-1º premio: á colección presentada por Laura Durán González, de Celanova.
-2º premio: á colección presentada por Lucía Iglesias Pereira, de O Mosteiro, Ramirás.
-3º premio: á colección presentada por Sandra González Sousa, de Penosiños, Ramirás.

Así mesmo, o xurado decidiu premiar con accesits especiais a

- Andrea Martínez Teixeira, de Tellado, Ramirás.

- Lucia Teixeira Ferreira, de Tellado, Ramirás.

- Concepción Rodríguez Rodríguez, de Vilavidal, Ramirás

Os premios serán entregados no acto que se desenvolverá o vindeiro Sábado día 26 de Setembro as 19.00 h no Centro Sociocultural de San Andrés, Vilavidal - Ramirás. Coincidindo coa presentación do curso 2009/2010.

COMEZO DO CURSO 2009-2010

2009-09-19T09:00:00.000+02:00

VI FESTIVAL INTERNACIONAL XUVENIL DE CACIA-AVEIRO

2009-09-06T22:00:00.000+02:00

Por segundo ano e convidados pola Escola de Etnografía da Casa do Povo de Cacia (Aveiro - Portugal) desprazaremonos os días 19 e 20 de Setembro ata o Festival Internacional Xuvenil de Cacia - Aveiro (Portugal) , que este ano chega a súa VI edición. Alí compartiremos escenario cos seguintes grupos:

Escola de Etnografia da Casa do Povo de Cacia - Aveiro (Portugal)
Rancho Casa do Povo de Fátima – Fátima (Portugal)
Rancho de Penafiel – Penafiel (Portugal)
Escola de Baile e Musica Tradicional Rebulir - Ramirás (Galicia)
Grupo Joven La Esteva – Segóvia (Castela e León)

Tras este Festival, o Sábado día 26 faremos a presentación do novo curso 2009/10 e tamén a entrega de premios do II Concurso de Fotografía Antiga.

ACTUAMOS EN ESCUDEIROS

2009-09-04T10:00:00.001+02:00

Mañá Sábado día 5 Rebulir animará a festa/Verbena popular que organizan no pobo de Escudeiros (Ramirás). Coma en toda festa que se precie haberá comida, bebida e moita moita troula ata que as pernas aguanten!